هل الزراعه مجديه لصلع كبير مثل هذا؟ (صور)

bald moe قال:

السلام عليكم..

قررت ازرع..وقرأت كثير وشاهدت حالات كثير..
من اللي شفت ان تركيا اسعارها معقوله و نتائجها جيده جدا..
انا ساكن في الرياض و قلت اسوي موعد في ادمه كشفيه و اشوف وش يقولون...
قابلت الدكتور احمد التركي و كان قمه في الاخلاق و الاسلوب..قالي ان حالتي 7 و المنطقه المانحه ما تكفي وشعري سماه "بيبي هير" لانه خفيف نوعا ما...وقال بما ان شعر صدرك كثير ممكن ناخذ 1500 من المنطقة المانحه خلف الرأس و 1000 من الصدر...

عطاني ادويه مينكسوديل 5% بخاخ و قطرات وقال احسلك عشان تحافظ على الباقي...
الصراحه سعرهم ما اقدر عليه..

سؤالي..هل فيه مستشفى في تركيا يسوي اقتطاف من المنطقه المانحه و الصدر ايضا؟ لاني مع كلام الدكتور ان المنطقه المانحه عندي ما تكفي و ما شاء الله الصلع عندي كبير جدا و انا عارف اني لو ما زرعت راح تصير بلاطه بعد كم سنه لانه وراثي والعائله كلها صلع مبكر

وهذي مجموعة صور للصلع​

أنقر للتوسيع...

barca2338 قال:

اخوي مثل ما أنت عارف الاشخاص اللي عندهم منطقة الصلع كبيرة والمنطقة المانحه ضعيفة راح تكون النتائج مرضية لكن ماراح يرجع الشعر مثل ماكنت في عمر 15 لكن راح تحس ان في شعر في المنطقة الصحراوية ..


الله يوفقك ان شاء الله وتشوف الشعر اللي تتمناه​

أنقر للتوسيع...

مسك قال:

شف أخوي بكل اختصار انا ما أعرف أقدر البصيلات اللي راح تطلع معك الشباب اللي عملو الزراعه يعني يقدرون يعطونك شي تقريبي . لاكن من وجهة نظري أنك تسأل عن تقنية hst بس من الحين أقولك سعرها خرااافي غالية جدا وكني قريت تقرير عن واحد كلفته حدود الـ4000 و الزراعه فيها محدودة البصيلات ما تتجاوز الـ 2000 بس تقدر ترجع بعد تسع شهور وتعملها مرة ثانية بنفس التكاليف ممتازة جدا لحالنك أو اسمتر عل المينوكسيديل وشوف نتايجة ممكن تكون مرضية لك وأنا بس أخلص اختبارات اليومين هذي بنزل صور لي لأني ما استغني عن نصايح الشباب وتوجيهاتهم, وياليت لو أنك ذكرت معلومات عامه عنك العمر , بداية الصلع , وراثي أو لأ .
وعقبال ما نشوف شعرك لحد كتوفك

بالتوفيق ,,​

أنقر للتوسيع...

أصلع ملعلع قال:

والله وانا اخوك المنطقه المانحه خفيفه شوي
لكن زراعتك راح تكون مغامره مثل ما سويت انا
أنا رأيي والرأي لك
ان تعمل العمليه الأولى شريحه وتزرع المقدمه مثل زراعتي الأولى
لأنك راح تاخذ الجلده بشعرها ولا تتعرض لباقي المناطق ويبان فيها خفة الشعر زياده
وبعد ستة أشهر تعمل أقتطاف مع شعر الصدر وتزرع من الوسط الى آخر الرأس ويمكن يتبقى عندك الجزء الأخير بدون زراعه

طبعا يعتمد وقتها على الأقتطاف والعدد اللي يطلع معك
هذا مجرد رأي والله أعلم
تمنياتي لك بالتوفيق

أنقر للتوسيع...