bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تمت عملية زراعة الشعر عند الدكتور عبد المجيد العجلان

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
:dمساء الخيرات
احب اشكر كل القائمين على هالمنتدى الي مستحيل انسى فضلهم بعد الله علي واشكر كل واحد نزل موضوع واستفدت منه لان فعلا اتخذت قرار مهم في حياتي ( زراعة الشعر )والسبب يرجع لكم بعد الله
احب اعرض تجربتي البسيطه ..
انا عندي صلع وراثي مو مره قرعاء لا بس شعري خفيف من المقدمة والوسط وكان مضايقني كثير ومتعقده مع ان اخواتي يقولون لا يا بيبي وضعك تمام خصوصن اذا حطيت التوبك (بودره لاخفاء فراغات الشعر )
المهم
زرت 3 اطباء وهم
الجباعي قال مافي امل وشعرك خفيف مره طلعت متحطمه من عنده مره .
عبدالمجيدالعجلان شخصني وقلت له ابي زراعه من الاخير تعبت شرح لي العملية والطريقه وكل شي وطلعت من عنده .
احمد التركي بعد شخص نفس تشخيص العجلان وشرح لي وكل شي تمام التمام وطلعت من عنده
باقي انا متى اقرر فعلا ؟؟؟ ومين الدكتور ؟؟ وكيف الدوام ؟؟ والعيد ؟؟ والاجازه ؟؟ اشياء كثير في بالي

قلت يا بنت العجلان رجل كلامه مريحه وعملي جدا توكلي على الله وسوي عنده
وفعلا حجزت وكان موعد العملية يوم الخميس 31/مايو/2012 والحضور الساعه 7
ليلة العملية ماقدرت انا وخايفة وقلقانه وكل شوي ادخل للمنتدى اقراء
من 5 الفجر وانا جاهزه الساعه 6,30 وانا في العياده اخذتني الممرضه ودخلتني غرفه ومعاه 3وقسمت شعري جزء رفعته فوق والجزء الثاني تحت وبداءت تقولي الحين راح نحلق الشعر وشرحت قلت توكلي على الله ..
بعدها لبسوني لبس العمليات ودخلت الغرفة الجميلة الرائعه
وكان فيها تقريبا 8 ممرضات خفت مره وانخنقت فيني بكاء وروعه وكل شي
قلت يا بنت ما ياخذ الروح الا الي خلقها واتخيل شعري كثير زي زمان واسمع الممرضه تقول مدام انبطحي وحطي راسك هنا ايووووه بداء الشغل الصدقي
انبطحت على سرير وفيه فتحه احط راسي فيها وفيها اكسجين وحطو جهاز الضغط والقلب ومغذي وحبوب ومن قبل وهم يقيسون ولفو راسي بطريقه عشان الدم ولحفوني مرره مو مبين مني اي شي غير راسي وانا زي العجايز كل شوي من تحت الغطاء اسال الدكتور وين ههههههههه الدكتور وين متى يجي
وفجاءه دخل الدكتور اسمعه يقول السلام عليكم بغيت اقوم احب راسه من الفرحه حسيت بالامان
ويسالني كيفك افطرتي وارد وانا وجهي في الاكسجين واقول لدكتور خايفه
بداء بالابر وحسيت بالم وانا عندي فوبيا من الابر اساسن واصرخ يقولي اهدي خلاص خلصنا ويذكر الله كثير ريحني نفسيا كثير ( الابر مزعجه في المنطقه المانحه ) خخلص وطمني وباقي الخياطه بس ويالله لين خيط وخلص وطمني وها ايش تحسين ها فيك شي وهاا وهااا
بعدين جلسوني وهو طلع واعطاهم التعلمات وكذا
بداء الممرضات يخرمون راسي ويزرعون طبعا قدمو لي كافي وبسكوت والظهر وجبه
وكل ماحسيت بالم اقولهم يعطوني ابره بنج والدكتور يروح ويرجع والممرضات حنونات مره حبيتهم بعد ما خلصت الي تسوي مساج لرجولي والي تلبسني والي تقرب جزمتي وانت بكرامه
والحمدلله ما حسيت بشي لادوخه ولا اي شي ونزلو معاي لسياره الي شايله الشنطه والي معاها كيس الادوية ...... خلاص اكمل في الجزء الثاني
واي استفسار على هذا الجزء انا جاهزه
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
مبروك أختي والحمد لله على السلامه من الخوف والرعب اللي ماكان له داعي
العمليه بحد ذاتها لا شيء
المزعج فيها هو الجلسه ساعات طويله بس
بس ما قلتي اختي كم قرافت زرعتي
عموما أتبعي التعليمات وشدي على نفسك فيها فقط العشرة أيام الأولى وبعد العشرة أيام
تنقص الشده شوي إلى مستوى آخر
إذا تعديتي الشهر الأول خلاص البصيلات الجميلات في أمان
تمنياتي لك بالنتائج اللي تسرك
وأي سؤال إحنا حاضرين
تحياتي
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
ماشاء الله الف الف مبروك وعقبال النتائج اللي تسرك يارب


بالنسبة للقلق والخوف قبل العمليه طبيعي وانا وغيري مرينا فيه لانه شي اول مره يصير لنا لكن حاولي تريحي نفسك علاخر العشر ايام الاولى ولا تنزلي راسك اسفل حتى مايصير معك انتفاخ في الجبهه ولا تحاولي تحكي بيدك المنطقه المزروعه والغسيل يكون بشويش واتبعي تعليمات الطبيب وان شاء الله مع الوقت يرجع وضعك طبيعي جدا


بالتوفيق ان شاء الله
 

تـركـــي

متميز
صاحب تجربة
إنضم
26 يناير 2012
المشاركات
975
مستوى التفاعل
1
النقاط
18
الحمد لله على سلامتك ، وألف مبروك على العمليه

وعقبال ما تفرحين بالنتايج اللي تسرّك وتشوفين شعرك كثيف ان شاء الله

بس نبي نعرف عدد الغرافت المزروع وتكلفة العمليه بالجزء الثاني ..
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
اهلين وسهلين اسعدني مروركم ( اصلع ملعلع - ابوبدر - تركي ) الله يسلمكم ..
عدد البصيلات المزروعه =2100 بصيلة
التكلفة =13500
الادوية اقل من =100 مضاد + مسكن + كريم موضعي استخدمها خلال الايام الاولى 12 يوم وبعدها استخدم البروسكااذا مو غلطانه في الاسم وحديد وبعد شهر استخدم بخاخ الشعر
.............................................
صار عندي انتفاخ وراح بعد 5 ايام تقريبا وطلع عندي قشره واحس المنطقه المزروعه ثقيله وتحك سالت الدكتور فقال طبيعي غسلي شعرك باي شامبو تحبينه ومشطية على خفيف والحمدلله مشيت الامور طبعا هذا بعد 10 ايام من العمليه
انا الان لي 15 يوم من بعد العمليه شعرب بداء يطيح مره واحس الخياطه في المنطقة المانحه يالمني والخيوط ما طاحت الى الان
والحمدلله ..
 

سفير الحزن

متميز
صاحب تجربة
إنضم
26 مارس 2012
المشاركات
197
مستوى التفاعل
0
النقاط
16
الحمد لله على السلامه

انا عندي عمليه السبت الجاي بتركيا مادري الوضع طبيعي ولا في الم وصداع
 

الكرن

New Member
إنضم
28 أبريل 2012
المشاركات
17
مستوى التفاعل
0
النقاط
1
الف حمدلله عالسلامه وان شاء الله بترضيكي النتائج . بالنسبة لي سويتها في 22-5اقتطاف بس الابر نكبتني تقريبا اذا ما خاب ظني بين 40 الى 50 ابره الين وقفت وقلت خلاص مابي جاني الدكتور والمترجم والمنسق وهات يا مساج وحركات قلت خلاص عدمتوني العافية والدكتور يضحك صار راسي بينفجر من الم الابر والممرض قبل الابرة يقلي بانج وانا اشد على اعصابي من الالم كرهتو وكرهت الكلمة المهم المترجم جاني وقلي اتحملت الكثير جات على 3 ابر يالله وعدت .
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
الحمد لله أختي
15 يوم مرت يعني تعديتي مثل ما يقولون مرحلة الخطر
الآن راح تمر عليك الآثار المؤقته
سقوط الشعر المزروع مع قشور مع شد في المنطقه المزروعه
شد مزعج بعض الشيء في المنطقه المانحه راح يخف مع إنتهاء الشهر الأول تدريجيا إلى نهاية الشهر الثاني وينتهي
ممكن تحسين بحكه مكان اخذ الشريحة اللي هي الجرح
أول شي قصي أظافرك عشان ما تجرحين مكان اخذ الشريحة بالحك
وكثرة حك مكان قص الشريحة تسبب تهيج للمنطقه
ممكن بالأصابع حك فيف ومؤقت مو دايم
لا تحكين المنطقه المزروعه أبدا
والتمشيط اللي يقصده الدكتور للشعر الأساسي المحيط بالمزروع لكن لا تخلين الفرشه أو المشط يحك فروه الراس
طمنينا أول بأول
الموقع بحاجه للتجارب النسائيه فهي قليل للأسف
وهناك أخوات كثيرات يبحثون عن المعلومات الوافيه والتجارب المشروحه لتشجيعهم على الزراعه
وإبعاد شبح الخوف والقلق

تمنياتي لك بالتوفيق
 

انسانه2

مشرفة
إنضم
9 أكتوبر 2011
المشاركات
835
مستوى التفاعل
2
النقاط
18
الحمدلله على السلامه اختي
وان شا اءلله يكثف شعرك نفس ما تبين وزياده
موفقه ان شا ءالله
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
[quote=سفير الحزن;32787]الحمد لله على السلامه

انا عندي عمليه السبت الجاي بتركيا مادري الوضع طبيعي ولا في الم وصداع[/quote]

اهلين اخوي ( سفير الفرح ):)

الحمدلله ما حسيت بصداع على خفيف مره انا على طول كنت اخذ سلبدين ممتاز جدا ومريح وممكن تاخذ بندول اكسترا اول ما تحس بالالم زي ما قال لي الدكتور والوضع طبيعي ..
وموفق يارب دعواتي لك بصحه والعافيه وبشعر كثيف ياااارب
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
[quote=الكرن;32803]الف حمدلله عالسلامه وان شاء الله بترضيكي النتائج . بالنسبة لي سويتها في 22-5اقتطاف بس الابر نكبتني تقريبا اذا ما خاب ظني بين 40 الى 50 ابره الين وقفت وقلت خلاص مابي جاني الدكتور والمترجم والمنسق وهات يا مساج وحركات قلت خلاص عدمتوني العافية والدكتور يضحك صار راسي بينفجر من الم الابر والممرض قبل الابرة يقلي بانج وانا اشد على اعصابي من الالم كرهتو وكرهت الكلمة المهم المترجم جاني وقلي اتحملت الكثير جات على 3 ابر يالله وعدت .[/quote]

.......................................................
الله يسلمك
يووووه انا من كثر الابر صار عندي تبلد ولا اذا حسيت بالم اقوله ابي بنج هناااااا والحمدلله عدت على خير
اسعدني تواجد
:)
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
مشكور ابو شعر مشلشل ( اصلع ملعلع ) على النصايح كنت اتابع ردودك قبل ما اسوي العملية والي واضح انك مريت بتجارب ودارس وفاهم ادق التفاصيل في علم القرع الله يبعده عنا ..

فعلا الموقع بحاجة لتجارب نسائية كنت اتابع تجربة الاخت متحمسة وجبهة حرب واستفدت منهم كثير بالاظافة الى الاخوان الموجودين
شكرا لتواجدك:)[/size]
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
[quote=انسانه2;32832]الحمدلله على السلامه اختي
وان شا اءلله يكثف شعرك نفس ما تبين وزياده
موفقه ان شا ءالله
[/quote]

...............................
الله يسلم حبيبتي
انسانة اسم على مسمى ..
اسعدني تواجدك
 

bebe

New Member
إنضم
14 نوفمبر 2011
المشاركات
17
مستوى التفاعل
0
النقاط
1
اهلين وسهلين ...
كيفكم ..
الان صار لي شهر واسبوعين والامور تمام التمام طبعا الشعر المزروع وغيره طاح وصايره اداوم بربطات وهيك واستخدم الادوية فا اكيد بعد فترة راح يرجع ينمو ومع الادويه
بس صايره المنطقه المزروعه تحكني بشكل فضيه هل الوضع طبيعي ؟؟؟ وطلعت لي حبوب بس مو كثير شوي وتحك
كتب لي الدتةر على مضاد ومحلول بس مازالتا لحكه مستمره ؟؟؟
ايش السواه
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
اهلين وسهلين ...
كيفكم ..
الان صار لي شهر واسبوعين والامور تمام التمام طبعا الشعر المزروع وغيره طاح وصايره اداوم بربطات وهيك واستخدم الادوية فا اكيد بعد فترة راح يرجع ينمو ومع الادويه
بس صايره المنطقه المزروعه تحكني بشكل فضيه هل الوضع طبيعي ؟؟؟ وطلعت لي حبوب بس مو كثير شوي وتحك
كتب لي الدتةر على مضاد ومحلول بس مازالتا لحكه مستمره ؟؟؟
ايش السواه



والله وانا اخك قلت لك من أول ما زرعتي
شوفي ردي رقم 8
حتى الحبوب تجي وتروح كل شي عاااادي


تحياتي
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
مبروووووووووووووووووك أختي بي بي والله يكتب لك الشعر الكثيف الغزير اللي تتمنيه واحسن بعدددددد

بس انا مستغربه من د.عبدالمجيد ليش يعطي البنات اوكسجين ؟؟؟ خير إن شااء الله ولااده هي ؟؟

د.بسام ماعطاني اي شي .. بس حبه قبل العملية وابرة بعد العمليه ..

بعدين هو ليش مايخرم بنفسه ؟؟؟ انا أشوف انه لازم يخرم هو بنفسه مو الممرضات .. ماعجبني ماش

عالعموم الله يكتب لك الشعر اللي ولا في الأحلااااااام

تحياتي
 

انسانه2

مشرفة
إنضم
9 أكتوبر 2011
المشاركات
835
مستوى التفاعل
2
النقاط
18
بس انا مستغربه من د.عبدالمجيد ليش يعطي البنات اوكسجين ؟؟؟ خير إن شااء الله ولااده هي ؟؟

هههههههه

د.بسام ماعطاني اي شي .. بس حبه قبل العملية وابرة بعد العمليه ..

بعدين هو ليش مايخرم بنفسه ؟؟؟ انا أشوف انه لازم يخرم هو بنفسه مو الممرضات .. ماعجبني ماش

انا من خلال تجربتي هو قام بتخريم مقدمة الرأس ومن ثم قمن الممرضات بالتخريم ووضع البصيلات في الجهه الامامية ويصل الى التاج قليلا
 

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
الحمدلله ع سلاامتك
وياررب تشوفين النتايج اللي ترضيك
وفعلاً احس انه التخريم اهم شي ليش مو هو اللي صلحه؟!
وياختي اسعاره توسع الصدر ههه مقارنة بالباقي فرررق
يزرع الجبهه هو يابنات هههه والا يرفض؟! اقصد تقديم خط الشعر اللي عندها علم تقولي الله يعافيكم
 

انسانه2

مشرفة
إنضم
9 أكتوبر 2011
المشاركات
835
مستوى التفاعل
2
النقاط
18
وفعلاً احس انه التخريم اهم شي ليش مو هو اللي صلحه؟!
وياختي اسعاره توسع الصدر ههه مقارنة بالباقي فرررق
يزرع الجبهه هو يابنات هههه والا يرفض؟! اقصد تقديم خط الشعر اللي عندها علم تقولي الله يعافيكم

هو خرم لي المقدمة من الرأس( الخط الامامي للرأس) لأن اهم شي ,بس الجهه الامامية ويصل قليلا الى التاج الممرضات
اتوقع اي يزرع الجبهة لأن يوم اروح له قال هو يقوم بالتعديل لخط مقدمة الرأس ,, والجبهه هي بتكون لها علاقة بخط مقدمة الرأس ,,

بالتوفيق ان شاء الله
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
الحمدلله ع سلاامتك
وياررب تشوفين النتايج اللي ترضيك
وفعلاً احس انه التخريم اهم شي ليش مو هو اللي صلحه؟!
وياختي اسعاره توسع الصدر ههه مقارنة بالباقي فرررق
يزرع الجبهه هو يابنات هههه والا يرفض؟! اقصد تقديم خط الشعر اللي عندها علم تقولي الله يعافيكم

هاه منيره تبين تهونين عن د.بسام هههههههههههههههههه :rolleyes:

روحي له استشاره ماندم من استخار وماخاب من استشار

الله يوفقكم يابنات اجمعين وحنا بالنسبه لنا أصعب من الرجال لإن تاج المرأه شعرها وتاج الرجل لحيته .. لكن حسافه قاموا يزلطون هاللحى الله المستعان


تحياتي
 
أعلى