تجربتي مع المينوكسيديل

بسم الله الرحمن الرحيم
انا اعاني من تساقط للشعر منذ 3 سنوات تقريبا(سني الان 20 سنه) ولكن لم اكن اهتم تماما فقط كنت اطيل شعري جامد ( ممكن طول الشعر يوصل ل 12 سم) حتي يخفي االفراغات الموجوده في مقدمة الراس ... كل مره اثناء الاستحمام او مجرد تمشيط الشعر اجد الكثير من الشعر المتساقط المهم في مره بالصدفه صورت راسي بعد الاستحمام لقيت فراغات رهيبه في الصورة ومن ساعتها قررت اني لازم اضع حد للمشكلة دي
المهم بحثت كتير جدا وده اللي وصلني للمنتدي هنا وعرفت ان النوع ده هو صلع وراثي وملهوش غير علاجين غير الزراعه هما المينوكسيديل والفينسترايد اللي هو البروبيشيا في اسمه التجاري
رحت لدكتور جلدية كتبلي علي محلول اسمه performa برضه مينوكسيديل 5% سالته بالنسبه للبروبيشيا قالي بلاش منها لان اثارها الجانبية جامدة ( ودي برضه نقطة هنتناقش فيها)
المهم مره كنت بتصفح المنتدي لقيت الموضوع ده
https://www.hairarab.com/vb/showthread.php?t=4468
بصراحه صاحب الموضوع حفزني اني اجرب المينوكسيديل واشوف ايه اللي هيحصل احنا كده كده مش خسرانين حاجة ...
نزلت يوم الاتنين 2/7/2012 جبت زجاجة 100 مللي وبدات استخدمها كل ما تيجي الساعه 12 احط 6 بخات بقالي عليها اسبوع ونص اهو
الملاحظة اللي لاحظتها : بما ان انا شعري طويل لاحظت ملاحظة اعتقد ان محدش هيلاحظها ...الملاحظة دي هي انك من اول اسبوعين لما تستخدم المينوكسيديل هتلاقي شعر ازيد بيتساقط .. لغاية دلوقتي مجبتش جديد الجديد بقي هوالشعر ده طبيعته غير الشعر اللي كان بيتساقط من قبل ما تستعمل المينوكسيديل يعني هتلاقيه شعر قوي ومعايا انا كان طويل كمان يما اني مطول شعري وهو ده السبب في ان ناس كتير بتبعد عن المينوكسيديل من اول اسبوعين بس عموما ده لازم يحصل وده مكتوب في نشرة الدواء ( هرفعلكم النشرة) ولو محصلش كده لازم تعرف انك ماشي غلط ...
وعموما التحسن بيظهر في خلال اربع شهور ودي حاجة مثبته في نشرة الدواء وفي ال drug index اللي هو فهرس الادوية الموجودة في السوق
وطبعا المينوكسيديل ده مش سحر هو عموما النهاية المحتومة معروفة ولكن فقط احنا بناخرها علي قد ما نقدر لغاية ما ربنا يحلها
وفي الاول والاخر نصيحة لاي واحد بدا شعره يتساقط .. اول ما تحس ان شعرك بدا يقع متستنااااش ابدا ان المصيبة تحصل وتبدا فراغات تظهر وبعد كده تدور علي العلاج لأ .. ابدا فيه بدري عشان ده هيديلك فرصه اكبر بكتير من اللي بدا متاخر زي حالاتي
ان شاء الله الموضوع ده هحدثه كل فتره وهكتب فيه كل الملاحظات والمستجدات اللي حصلت معايا
واسف علي الاطالة

نفس الشئ وانا صارلي ٣ اشهر ونصف استخدم روجين شعري في اليوم الثامن بدئ بالتساقط ثم بعد ذلك توقف واصبح الشعر

قوي وصحي وذات كثافة وانا حاليا داخل على الشهر الرابع من استخدام الدواء فرق كبير بين اليوم الاول و هذا اليوم الدواء فعال

وجيد. على حسب تجربتي اعراض الدواء الجانبية هي ضهور ١- شعر في الوجه ٢-زيادة ضربات القلب و قشرة كثيفة خصوصا

لما استخدم السائل اما الرغوة فلا اواجه مشكلة القشرة او زيادة ضربات القلب. على حسب تجربتي ان السائل اكثر

فعالية بس فيه اعرض جانبية التي ذكرتها. اما الرغوة فهو مناسب وفعال بلا اعراض جانبية.

فعلا المينوكسيديل من اثاره الجانبية انه بيزود ضربات القلب بس لثواني معدودة وفي فترات متباعده مش ضروري اول ما تحطه ممكن بعد ما تحطه ب6 ساعات مثلا تحصلك وممكن تقعد ايام كتير متحصلش وبالنسبة للقشرة الحمد لله مفيش

سلامة القلب اولى

ارجو الرد حالا

طب شباب اريد رايكم

انا استخدمت الريجين السائل من 3 اشهر وعشر ايام بس انا احس انه شعري من الامام خف اكثر مع العلم انه ماكان عندي صلع ظاهري ولكن بوادر صلع امامي فقلت ابدا اكافحه من بدري

ياتري هل هذا طبيعي ام لازم اوقف استخدام العلاج ؟؟؟؟؟؟؟؟؟؟؟؟