bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

محتاره وأحتاج رايكم

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
السلام عليكم
صبحكم الله بالخير
طبعا بالصدفه عرفت هالمنتدا لما كنت ابحث بقوقل والحمدلله اللي عرفته
فادني كثير مرات اقراء تجارب واتحمس ومرات اخاف:confused:
طبعا عندي مشكه مقدمة الشعر عندي خفيفه وشعري يتساقط من فترة طويله
قررت انه اسوي زراعه قريت لكثير من الدكاتره بس تحمست للدكتور بسام بعد تجارب ناجحه له مع بعض الاعضا وخفت لانه فيه ناس يسبونه
انا ابي رد من الاخوات وحتي الاخوان اللي زرعوا مقدمة الشعر وشافو نتايج
العملية مكلفه اخاف اخسر ماديا ومعنويا خخخ كم نسبه نجاحها وكيف نتايجها
:)

 
إنضم
18 مارس 2012
المشاركات
99
مستوى التفاعل
0
النقاط
6
منيرة لاتغرك الاشياء الدعائية اهم شي لاتصدقين الا التجارب الحقيقية..اما كلام الدكاتره لاتصدقينه لان الهدف منه الربح المادي ...هذي فقط النصيحة اللي اقدر اقدمها لك... بالنسبة لبسام انا اشوف شغلة رتيب جدا..ما اشوف فيه تميز..ونصيحتي لك تعملينها عند حرمة وليس رجال...الحرمه لها نظرة غير عن الرجال في الاشياء الجمالية زي الشعر وتظل وجهة نظر شخصية بصراحه انا اشوف انتي كمرأه ماينفع لك الا مرأه مثلك تضبط لك الامور وتفهم ماذا تريد المرأه والنتيجة اللي تعجبك كبنت..
ولو عندك فرصة..انا نصيحتي لك تعمليها برى المملكة...ولو مره مره مالك الا السعودية حاولي تشوفين احد فااااااااااااااهم لاتستعجلين..فكري وادرسي الموضوع كثير ومن كل النواحي..والله يوفقك يارررب
 

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
يعطيك العافيه
والله احترت مدري شسوي وبرا السعوديه مستحيل اروح
ودكتوره هنا ماظن فيه او ع الاقل ماسمعت انه فيه دكتورة متمكنه
والدكتور بسام اغلب التجارب بصالحه هذا اللي خلاني ارشحه اول اسم


انتظرر راي الباقين :)
 

abdullah878

متميز
صاحب تجربة
إنضم
15 يونيو 2011
المشاركات
30
مستوى التفاعل
0
النقاط
6
في البدايه انصحك تكون عملية الزراعه اخر حل تتخذينه
وانصحك تسوين فحص عند دكتور او دكتوره متمكنه وتفحص وضعك ممكن ماتحتاجين للزراعه ممكن يكون عندك نقص في الهرمونات او مشاكل مايقدر اي شخص عادي يفتي فيها

اهم شي لاتستخدمين البخاخات المساعده على اعادة الشعر المتساقط لانك راح تضطرين تستمرين عليه فترة طويله واذا تركتيه يرجع التساقط اكثر من اول

ومن وجهة نظري تتواصلين مع الاخوات الموجودات بالمنتدى وتستفيدي من تجربتهم بيفيدونك اكثر قبل تتخذين قرارك

وقبل كل شي لاتنسين تستخيرين الله يكتب لك الي فيه خير لك
 

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
الله يجزاك خيررر
انتظرر راي الخوات :)
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
هلا أختي منيرررره

أعذريني ما أنتبهت لموضوعك إلا اللحين

اولاً ماسمعت بدكتوره انثى تعمل عمليات زراعة شعر اعرف وحده تسوي عمليات تجميل وفاااااااشله
وانا كوني أنثى لايعني ميلي وتحيزي للإناث .. بالعكس انا أقول الصراحه

الشي الثاني صحيح مية بالمية انا مع كلام الأخ اللي قالك اعملي فحص هرمونات لإن أحياناً ارتفاع هرمون الذكوره يسبب تساقط في الشعر ومشاكل اخرى

د.بسام شغله زين وسعره زين ... ود.احمد التركي اشوف فيه بنات عملوا عنده ويمدحونه لكن سعره غااااااااالي

بالأخير استخيري أولاً وأخيراً قبل ما تستشيرين البشر

أتمنى لك التوفيق

تحياتي
 
إنضم
24 أكتوبر 2010
المشاركات
46
مستوى التفاعل
0
النقاط
6
الأخت منيره

اذا كان مستحيل خارج المملكه فرأيي الدكتور بسام هو الأفضل لكن لاحظي انه يستخدم الشريحه وليس الاقتطاف وماأظن انها مشكله بالنسبه لك كأنثى لان جرح العمليه لن يكون ضاهر

تحياتي
 

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
جبهة حرب
ماقصرتي الله يعااافيك افدتيني كثيررر

شعري ثروتي
الله يجزاك خير
 

العبدلي

New Member
إنضم
27 مارس 2012
المشاركات
4
مستوى التفاعل
0
النقاط
1
اللة يكتبلك الخير بس زيارة للدكتور التركي مايضرك شي انشاللة لانة بصراحة دكتور متمكن لاني جربت عندة واستشيرية يمكن تحتاجين حبوب فقط وربي يوفقك؟
 

SkoOoN AlGaR7

Member
إنضم
20 مايو 2010
المشاركات
279
مستوى التفاعل
0
النقاط
16
انصحك بزياره الدكتور احمد التركي

سوي عنده تحاليل وراح يعطيك العلاج المناسب

ممكن ماتحتاجين عمليه وطبعا الحل النهائي هو الزراعه وان شـاء الله ماتحتاجينها

موفقه
 

غزل

متميزة
صاحبة تجربة
إنضم
6 مارس 2012
المشاركات
34
مستوى التفاعل
0
النقاط
6
هلا بك اختي منيره

ونعم ماخترتي ياخيتي الدكتور بسام ممتاز تجربتي معاه كانت ناجحة والنتيجة روعة
وانا ومرايتي نشهد على شغله لاني كل ماناضرت نفسي احمد ربي و اقول وين كنت ووين صرت
تقدرين ترجعين لموضوعي اذا حبيت ..
بقسم التجارب بتلاقين تجارب اخوات عنده و اذكر من بينها تجربه الاخت يارب حقق مرادي
واللي بصراحة اعتبرها شخصيا من انجح التجارب ودائما توافينا بأدق التفاصيل الله يجزاها الجنه .
نصيحتي لك اختي توكلي على الله وخذي لك استشاره عنده ومايمنع انك تأخذين رائ دكتور اخر معاه واستخيري وربي يوفقك ويكتب لك كل خير ..
 

منيرة

Member
إنضم
17 مارس 2012
المشاركات
81
مستوى التفاعل
0
النقاط
6
يعطيكم العاااافيه
الله يجزاكم خير علي ردكم ع استفساري
 

sss

New Member
إنضم
7 يوليو 2011
المشاركات
24
مستوى التفاعل
0
النقاط
1
اخت منيرة نصيحتي لك في حال قررتي الزراعة انة ماتعمليها بطريقة الشريحة ابدا لانة اصبحت عالميا قديمة الان فية دكتور في الرياض اسمة ابو الشوارب كثير بنات عملو كشف عندة واستفادو من دقة تشخيصة واعطاهم ادوية ورفض يعمل لهم زراعة لانة ماتناسب حالتهم اشير عليك تعملي زيارة لعيادتة وتستفيدي تحياتي لك
 

ابي ازرع

New Member
إنضم
5 أبريل 2012
المشاركات
22
مستوى التفاعل
0
النقاط
1
الله يكون بالعون اخت منيرة ..

لا تنسين اخذي راي اكثر من استشاري يعني جربي بسام والدكتور احمد التركي ..

يعني انتي احكمي لانك بنت لازم ما تحلقين والشريحة هي افضل طريقة لك ..

اما بسام او غيره انا تابعت المنتدى تجننت مثلك احيان يحمسونك واحيان يجيبونك نفسيه وتقفل معك خخخ

عاد اما الاستنزاف المادي والمعنوي هذي ناشبه لك ناشبه لك ..

الله يكون بالعوون ..
 
أعلى