bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

الشمالي عند الدكتور بسام جباعي

الشمال

New Member
إنضم
1 سبتمبر 2010
المشاركات
20
مستوى التفاعل
0
النقاط
1
السلام عليكم و رحمه الله و بركاته

لا اله الا الله و حده لا شريك له, له الحمد و له الملك و هو على كل شيء قدير.


أنا عمري 32 سنه بدأ تساقط الشعر من رأسي في بدايه العشرينيات من عمري و بدأت بوادر التصليع عند عمر 26 او 27

بدايه البوادر الواضحه كانت مع جانبي مقدمه الرأس يعني مع اطراف الجبهه .. و بعدين بدأ الشعر اللي بينهم ( اللي في الواجهه) يخف و يرتفع خط مقدمه الشعر في السنوات الأربع التاليه بطريقه طرديه و سريعه .. بمعنى اللي على جانبي المنتصف صار تقل صبه ملعب الملز و اللي في المنتصف بدأ يصبح اخف و اضعف ..


الورااثه

الصلع اللي اعاني منه وراثي .اكتشفت هذا و انا قاعد اتقهوى مع اميمتي , الله يطول بعمره و يعطيه الصحه و العافيه و امهاتكم و يرحم الميت منهن. الوالد الله يشفيه و يمده بالصحه والعافيه و والدين السامعين ان شاء الله ويرحم الميت منهم, ما فيه صلع و اخواني ما يعانون منه ما عدا انا. بعد التدقيق و التمحيص التفت على اميمتى وبعفويه صارخا -و يداي يسوون حركه فتيحه ورده سكيره ورده- قائلا " أنا وش سويت ليتس.."
اميمتى بعد ما متصت صدمه الموقف و قبلت يدها وجه وظهرا و متمته بينها وبين نفسها " الله يديم العقل " ..
فلقد اكتشفت ان الصلع جايني من خوالي .. جدي من أمي .. الله يلبسه تاج الصحه و العافيه و يطول بعمره و اعمار السامعين و كل من يعز عليهم .. يعاني من اقصى و اقوى انواع الصلع .. اللي هو على مقياس norwood يكون في class 7 و هذا و انا بعد مجامله ..
و ما عندي الا خال واحد و نسبه الصلع عنده على مقياس norwood يكون في class 3 ..
يعني على بلاطه جين الصلع اللي جاني, جين صافي يمشي km و صفق رويسي بمقتل ...

norwood.gif

مقيااس نوروود للشعر


بدايه الفكره,,,

في سنه 2008 بدأت افكر في زراعه الشعر بس المشكله كانت بشيئين :
1- جهلي في الموضوع. ماكنت اعرف اي شخص -في الحياه الحقيقيه- قام بزراعه الشعر. و المرء عدو ما يجهله..

2- التكلفه المرتفعه لها.

طبعاا كل المعلومات اللي ابحث عنها كانت تدور حول ثلاث دول هي امريكا, كنداا, و استراليا ... كانت تتراوح اسعار الجرافت الواحد من خمس الى ثمانيه دولاار. و حسبت الفين جرافت بمعدل 6.5 دولار طلعت معي حول الخمسين الف رياااال بس تكلفه العمليه. فشلت الفكره من رااس و بدأت اقصر شعري على نمره صفر او واحد ,,,

في بدايه هالسنه 2010 قابلت صديق لي اسمه أبو زيااد -الله يرجعه بالسلامه ويسهل له امره- نفس حالتي بس نوع الصلع يختلف. فبدينا نتكلم عن اي شيء يرجع الشعر او علاج سمع عنه او تكلم له احد عنه.. طبعاا انا جربت زيوت تطلع الشعر و خرابيط من هنا و من هناك و لا نفعت. كنت ادري ان ما فيه شيء يرجع الشعر في الصلع الوراثي بس كنت متمسك بطرف امل عسى ربك . فتفقناا انا ما فيه علاج او حل غير زراعه الشعر و بس. بس كلنا معلوماتنا عنه ميح بس معلومات انترنتيه. بعد شهرين وشي اجتمعنا و قال انه قابل دكتور جراح اخصائي زراعه شعر في الرياض اسمه الدكتور جمال جمعه . انا ما كنت اعرف عن هالدكتور فقلت وش الشي اللي يأكدلك انه زين. قال ان معه البورد الاميركي و اشتغل في البفيرلي هيلز قبل يعني في معقل هوليوود. قلت طيب وش قررت تبي تسويهاا .. قال لاا مو الحين لان الصلع لين الحين ماشي ابيه يوقف و بعدين ابداا ..
هذيك الليله عطتني امل ان اذا فكرت اسوي زراعه شعر فا اقدر اسويهاا هناا و بتكلفه اقل من براا . طبعاا كانت تقريباا فوق ال 25 الف مع الدكتور جماال.
الحين الحلم كل ماله يقرب بس توه ما صار حقيقه طبعاا لنفس السببين اللي فوق.
1- التكلفه. ( بس الحين نزلت لنص و بدون مصاريف سفر)
2- الجهل في الموضوع. ( بدأت اجمع معلوماات من هنا و من هنااك بس مافيه شخص اعرفه سوى العمليه بعد)



الكنز
في العشر الاواخر من رمضان الماضي فتحت السيد قوقل و كتبه في صندوق البحث "زراعه الشعر في السعوديه" او شي زي كذا و طحت على موضوع ما هو موضوع و بس الا كنز. السبب انه كنز ان كان فيه اعضاء منهم كنهم يكتبون و هم قاعدين جنبك يتقهون شاهي ..و موثقين مراحل الزراعه من ذكر اسم المركز و الدكتور و كيف تعامله و تكلفه العميله و قبل كل شيء التوثيق بالصور قبل و بعد.
و هذاك الموضوع قادني الى هذا المنتدى.

الاختيار و الاستشاره ..​

الاختيار كان على الدكتور بسام جباعي و لأكثر من سبب:
1- تجارب بعض الاعضاء معه و نتائجهم اللي يمدحونها.
2- التكلفه المنخفضه مقارنه مع الدكاتره الباقين.
3- مقابله له على القناه الاولى شفتها له على اليوتوب.

فقررت اني اسوي موعد للاستشاره و قابل الدكتور و اشوف وش يقول عن حالتي . كنت قبل بروح اقابل اكثر من دكتور مثل د.جمال جمعه و د. العجلان و بعدين اقرر على واحد منهم. فكلمت العيادات العالميه لزراعه الشعرفي الليل برمضان علشان اسوي موعد مع الدكتور بساام و اعطوني موعد يوم الاربعاء ب 28 رمضان الساعه 1 الظهر.
اول ما جيت الدكتور كان مرحب و قابلني عند الباب و جلسنا نسولف عن اسم عائلتي يقول الدكتور بسام انتم لكم ناس في لبنان ..في عايله نفس عايلتك في الجنوب بضيعه ما دري وشي ما أذكر وش الأسم اللي قاله الدكتور.. بس اسمها ابد مهو ام العقارب أو ام الجماجم أو ام رضمه ,الله يرج طاش ما طاش. قلت بيني و بين نفسي لو اصلاا لناا ناس هنااك كان شفتني قاعد بهالحر. :D
الموهم بدأ الدكتور يعاين راسي و اول شي بعد المعاينه لـ الراس سأل فيه صلع في العايل و قلت له ايه جدي من امي و خالي الوحيد بس .. وسأل اني احدد على مقياس norwood اي class احط جدي قلت في السابع .. وخالي في الثالث..

اخذ بعض الصور لراسي بكميرا و بعدين شبكهاا على شاشه تلفزيون و قال لي انت احطك بمقياس norwood في كلاس الخامس ورايح على السادس ...وراني كيف الشعر ضعيف و بدأ فعلياا يتجه لسادس ... طبعاا انا ما عمري شفت شعر راسي من هذي الزاويه فأنصدمت .. دايم في المرايه ما غير اشوف الخشه ومقدمه الراس ... طبعا اول توقعت ان الصلع اللي فيني بس في المقدمه لكن انصدمه بالخلفيه بعد..
الموهم الاخيارات اللي اعطيت لي من قبل الدكتور بسام خيارين و افضل لهم كان نزرع المنطقه الاماميه بتقريبا 1900 جرافت و نستخدم بروبيشيا اللي دائماا ما يكون ناجح في منطقه منبت الشعر في اعلى الراس او crown area
طبعاا انا كنت مطلع على بعض الردود من اعضاء هذا المنتدى عن مؤثرات هذا العلاج السلبيه اللي هي البرود الجنسي فقلت لدكتور عن هذي النقطه و كانت اجابته ان الدراسات اللي تمت على العلاج اعطت تقريبا 3 بالميه عانواا معه العلاج جنسيا لكن اول مايتركون العلاج ترجع الاوضااع بالسليم و اني ماراح اخذ العلاج الا لمده سته اشهر والشي هذا راجع لي اذا انا ودي اخذه او لا.
المهم اخذت المعلومات اللازمه من الدكتور. و جينا لسعر تكلفه العمليه. فقال بخصوص التكلفه هذا تقرره مع المنسقه الماليه مدام عبير و جتنا مدام عبير و رحت معها لمكتبه و اتفقنا على المبلغ يكون ل 1900 جرافت راح يكون بعد التخفيضات اللي مسوينهاا في رمضان 16700 مع خصم سعر الاستشاره و اللي كانت 300 ريال يعني تبي تطلع على العمليه بـ 16400 ريال. فسألت عن اقرب موعد اذا قررت اسويهاا قالت راح يكون في 28 سبتمبر.. قلت طيب ابي لي وقت عشان اقرر قالت اذا قررت بس دق على تلفون و احطك في موعد العمليه بالتاريخ اللي راح يكون.
طبعا دقيت على خويي ابو زياد و قلت له عن المغامره اللي سويتهاا ,,, اول شي قالي ابو زياد شيك مع كذا دكتور قبل.. قلت تدري اني ارتحت لدكتور بساام من الله ... فشكلي ابي اسويهاا عنده الحين و المبلغ هذا عندي الحين و عارف اني اذا ماسويتهاا عنده الحين هالمبلغ بطلع فيه باجازه العيد و اطير نصه اذا مو كله ... و مافيه شي اخسره الا اني خايف من كذا شي:
1- الشريحه اللي يبي ياخذ منها القرافت راح تسبب علامه جرح كبيره في الراس من الخلف.
2- اذا الشعر الباقي غير المزروع بداا يتساقط كيف راح يكون شكل الشعر؟ تخيل بس في مقدمه الراس شعر و حوله برحه .. تصير كنه جزيره بوسط بحر.


فقال ابو زياد بخصوص العلامه للمنطقه المانحه انت تبي تاخذه من الخلف و ما راح يبين على رقم اثنين.
اما بخصوص شكل الشعر لو التساقط رجع للمنطقه اللي حول المزروعه ...فعلى كذاا بستنى الين ما يصير عمري فوق الخمسين ثمن اسوي و انتظر عشرين سنه على امل..

فقال تدري انا اشوفك متحمس توكل على الله .. سكرت من عنده و كلمت العيادات و اخذت موعد على يوم 28 بس قالواا هذا التاريخ مو متوفر بس فيه قبله بيوم 20 سبتمبر .. قلت توكلناا على الله.

الليله قبل العمليه:

دقواا على في اليوم اللي قبل العمليه لتذكير و اعطائي بعض النصائح اللي لازم اسويهاا قبل ما جيهم:
1- اكون متروش و غاسل الشعر بالشامبو.
2- أكل فطور زين.

يوم جيت ابناام جلست من الساعه 11 في الليل الين 2 صباحاا و انا ماغير اوسوس ,, لو صار كذاا او صار كذا.
هل هذا (زراعه الشعر ) قرار سليم او اني استعجلت عليه؟
حتى وصلت مرحله اني متعب و ابي اناام و مااني قادر قلت تدري خلااص بكلمهم الصبح و بكنسل العمليه... و لاا قدرت انااام و رحت و اخذت حبتين بنادول نايت و لااا نفع و جلست صااحي الين صلاه الفجر و ما نمت الا بعد الصلاه .. قمت بعدهاا بسااعتين على سبعه الصبح و متعب و جلست افكر اكنسل و الا لاا .؟ اروح اسويهاا والا لاا ؟.
جلست الين السااعه ثمانيه و ان ما غير اتقلب و افكر.. قلت تدري قم بس رح يارجال وشف وش يبي يصير مع الدكتور ...


 

الشمال

New Member
إنضم
1 سبتمبر 2010
المشاركات
20
مستوى التفاعل
0
النقاط
1
القراار الاخير
وصلت عن العياداات السااعه 9 صبااحاا و هو وقت الموعد 9 وربع.. و قابلني الدكتور عند الرسيبشون و كان في انتظاار. قلت له وش صاار مع الليله اللي قبلهاا قااال لي الدكتور بسااام: يارجل ما تسوى عليك اذا بدك تنكسل تقر تكنسل .. قلت لاا خلااص مداام جيت انتوكل على المتوكل..

دخلت مع مرضه لغرفه تغيير الملابس وعطتني ملابس للعمليه و سوت لي فحوصاات ضغط الدم و الوزن و اعطتني بعض الحبوب.. وبعدهاا دخلت غرفه العمليات.

غرفه العمليات

معقمه , نظيفه , فيهاا احترافيه..
طبعاا السرير كان يسمح للشخص انه يسند ظهر لدرجه 45 درجه و قداامه تلفزيون مسطح الشااشه و الريموت كنترول بيدك. ويبدأ قبل كل شيء الاتفاق النهائي على رسم مقدمه الراس.. و اعطاني خيارين و اخترت واحد فيهم بعد ما اقنعني الدكتور انه هو الافضل واللي راحي يعطيني نتيجه افضل بالشكل المجمل و ليس بشكل الخط.

العمليه اخذت ثلاث مرااحل:



1-اخذ الشريط من المنطقه المانحه,

تتكون من حلاقه الشريط و تحديد مقاسه ثم تعقيم المنطقه بعدها التخدير. و من ثم قص الشريط المانح و خياطه الجرح.

استغرقت هذه الين 11: 40 دقيقه.

اخذنا بريك شاهي و الله يكرمكم رحت دورت المياه.

و خلال هذا خمس ممرضات و احياانا ست يبدأون بفصل الجرافت من المنطقه المانحه على طاوله في يمين الغرفه..

www.hairarab.com880fb8f158.jpg



2- المرحله الثانيه : هي تنظيف و تعقيم و حلاقه المنطقه المستقبله. و بعدهاا تخديرهاا و البدأ ب عمل ثقوب للبصيلات المراد زراعتهاا في هذه المنطقه ...
و بعد ما خلصنا من عمل الثقوب اخذنا بريك غداء لمده عشرين دقيقه . طبعاا قبل اخذوا مني وش ابي للغدااء من برجير كنج.

3- بدأنا في زراعه الشعر عند ثنتين الا ربع : طبعاا في الزراعه في ثلاث من الممرضات المساعدات لدكتور يبدأن بزراعه مع و احياناا تحت اشراف الدكتور.

خلصناا من زراعه البصيلات على 5:30 مساءاً.

بعدهاا ساعدتني احد الممرضات على لبس لأن المشكله كانت في عدم لمس المنطقه المزروعه و الخوف ان الملابس تحكه بقوه...
بعد ما لبس و خلصت جلست مع الدكتور و أعطني العلاجات ضد الالتهاابات و بنادول مسكن للالام..
وبعض النصائح اني ما اسجد او ما انزل راسي لتحت اذا بلقط شيء او اخذ شيء من الارض عشان السوائل من العمليه ما تنزل على الوجه ثم يصير فيه انتفاخ في الوجه. طبعاا الانتفاخ ماهو مضر لكن عشان ما يطلع شكل وجهك منتفخ . واكون دايم رافع راسي شوي فوق عشان السوائل ترج وراا بدل ما تجي قداام. واخذت موعد على بكرا لغسيل الشعر.

انطبااع عن التجربه لمده الثلاث اياام الماضيه كانت ممتازه. الى الان اشوف كل شيء يمشي في طريق النجااح ان شاااء الله,,,

شكر جم و كثير لدكتور بسام جبااعي على كل شيء قااام فيه ,,, و الى الممرضاات و مدام عبير و كل اللي كان متواجدين عنده....


هذي الصور لماا بعد العمليه و بعدين اقول لكم وش حسيت فيه بالليل و وكيف صارت امور غسيل الشعر .
تعبت من الكتابه الحين...


www.hairarab.com03964c4f5c.jpg


ما بعد العمليه

رجعت للبيت على الساعه سته و نص مساءا...
طبعاا ما فيه احد يدري اني سويت العمليه او حتى اني افكر في عمليه زراعه الشعر الا صديق لي في امريكا و بس.. البيت كله ما يدري مع ان بيتناا و عائلتناا كبير الله يديم نعمه عليناا و لا يفرقناا ان شااء الله الا على كل خير ...

طبعاا البيت فقدوني من الصبح و انا برى الين بعد صلاه العصر فدقواا علي و صرفتهم اني طلعت اخلص اشغاال و الحين انا في الناادي :D ...

قبل ما اطلع من عند الدكتور بساام لبسني هو الشمااغ و علمني كيف اذا ودي احركه و ازبطه و كيف البسه و كيف انزله بس بدون لبس الطاقيه .. و فوقه نلبس العقال... يعني انا اعتبرت الشمااع و العقاال كنه شااش ما حسيت فيه..

رجعت و طلعت الغرفه و غيرت و دايم في البيت البس لبس رياضه او بناطيل بجايم .. و الكااب احياانا البسه داخل البيت يعني العالم متعودين علي وانا البس الكااب داخل البيت .. و خاارج البيت دايم و قبل العمليه البس الشمااغ... فشمت الامور سليمه من نااحيه اخفااء العمليه .. و بدون ما اعزل نفسي عن اهلي او يلاحظون شي...

الموهم جت حزت النومه و بديت اوسوس ..

طبعاا الدكتور بساام اعطااني نصاائح اتبعهم بالنوم:

1- منع من النوم على البطن و السبب ما نبغى السوائل اللي في الراس بعد العمليه تطلع قدام و تسبب انتفااخ للوجه ... طبعاا الضرر من الانتفاخ هو شكلي فقط لو حصل و يروح مع الوقت..
2- ما اشقلب و احك راسي بقوه في المخده خوف على البصيلات المزروعه ,.. عشان توهم ما ثبتواا بس ممكن اناام على الضهر او على الجنب مع وضع الراس على المخده عاادي و بدون حك الراس بالمخده ...

انسدحت على المخده على ظهري و راسي كني اطاالع فوق يعني عاادي بس الهم كاان من اذا نمت وش يضمن لي اني ما اقلب يمين او 360 :D ... انا اعزب فمدري اذا انا من النوع اللي اقلب او لاا ,.. كنت تعباان بشكل من حطيت راسي و نمت سااعه من تسعه مسااءاا الين عشره مسااءاا:rolleyes: وقمت بس كنت مستاانس .. اولاا اني قمت و انا على نفس الوضعيه اللي بديت فيهاا النوم و ماا قلبت ثااني انعداام الالم ... ثاالثاا اني فعلاا سويت العمليه ..

جلست بعدهاا الين 6 الصبح و اناا قاعد على الكمبيوتر ثمن نمت و قمت على الظهر و رحت لغسيل الشعر ..

الغسيل بسيط و سهل يسويه لك الدكتور ويسألك عن الليله اللي قبلهاا و كيف نمت قلت له عن الخوف من النوم على الجنب لان ماودي المنطقه المزروعه تحك في المخده قاال لاا عاادي نم علي الجنب بس حط راسك اول على جنب و بدون حك المخده بالرااس

الى الان اذا نمت على الجنب احط يدين تحت خدي علشاان المخده ما تلمس المنطقه المزروعه
لو تشوفون شكلي وانا ناامي كاان قلتواا الله يخلف على اهله صاير شكلي دلووووع :eek:

غسيل الشعر يكون مره الى ثلاث مراات في اليوم يعني اكثر شي هو ثلاث مراات...
 

الشمال

New Member
إنضم
1 سبتمبر 2010
المشاركات
20
مستوى التفاعل
0
النقاط
1
طبعاا هذا الموضوع هو عربون و هديه صغيره بقدمه للقائمين على هذا المنتدى اللي لولاه بعد المولى عز و جل ما كان قمت بالعمليه و كذلك ما انسى اذكر اني راح احدث الموضوع من فتره لفتره بالصور..

طبعاا صور قبل العمليه و بعد العمليه ما اخذتهاا من الدكتور لكن ان شاء الله تبي تكون متوفره بعد عشر اياام اذا رحت لدكتور بساام و فكيت ا لغرز,,,,
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
هلااوالله هلا عليكم السلام

كاني اشوف صورتي يوم طلعت من العمليه ههههههههه

ما شاء الله تبارك الله اولا الحمدالله على سلامتك ومبروك الشكل الجديد تلاحظ كيف شكلك تغيير؟

مثل حالتنا الدرجه الخامسه وفوق من اول يوم يلاحظ الفرق بحكم عدم وجود الخط الأمامي سابقا

الحمدالله انك اتخذت القرار الصحيح وسويت العمليه وان شاء الله ماراح تندم وربي بيرزقك شعر رائع ونتائج طيبه

الله الله هالكم يوم القادمين بالراحه التامه والبعد عن الاعمال الي فيه تعب وحمل اشياء ثقيله

ما شاء الله تقرير مفصل تسلم يدينك والله

بانتظار التكمله وش حصل معك بالليل
 

يآرب حقق مرآدي

متميزة
صاحبة تجربة
إنضم
29 يوليو 2010
المشاركات
478
مستوى التفاعل
0
النقاط
16
ماشاء الله
اول شي الحمدلله على سلامتك
والف مبرووك والله يتمم عليك بخير والنجااااح
وعقبال الشعر كثيف :d
ومشكور على الموضوع المفصل واستفدت منه كثير الله يجزاك خير وينال مرادك
وبأنتظار الباقي ..
 
إنضم
3 أغسطس 2010
المشاركات
42
مستوى التفاعل
0
النقاط
6
وعليكم السلام ورحمة الله وبركاته

الف الحمد لله على سلامتك اولا.. ماشاء الله تبارك الرحمن ثانيا..

خط المقدمه صراحه من العمليات الدقيقه وللامانه واضح ان الدكتور رسمه لك باحترافيه لا اله الا الله وماشاء الله

تمنياتي لك ولكل اخواني القرعان بالشعر الكثيف ولي انا واخواني الملسان بالشوارب اللي توقف عليها الطيور

ههههههههههههههههههه امييييييييييين يارب العالمين
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
حمد لله على السلامه وان شاء الله تنول ما تريد ..
ماشاء الله الزراعه مرتبه جدااا وخط المقدمه من افضل ما يكون ...
بالتوفيق ان شاء الله ...
 
إنضم
6 سبتمبر 2010
المشاركات
49
مستوى التفاعل
0
النقاط
6
الف مبروووك والله قصتك رايقه وجلست اضحك على بعض السوالف

ان شاءالله يارب تشوف احسن النتايج قريب

بس محيرني دكتور بسام ليش يستخدم بخاخ لمنطقة التاج ورى؟؟ مع انه ناس واجد استخدموه وبس بطلوه تساقط الشعر

يعني هل عشان يرجع له المريض ويقرر له عمليه ثانيه ويكسب فلوووس؟ او ايش المغزى ياترى؟

بالنسبة للعدد حق القرافت، هل عديتهم بنفسك او على كلام الدكتور؟؟ وولو عديتهم هل في جهاز او تعد بينك وبين نفسك؟


الف مبرووك مره ثانيه وحمدلله على سلامتك
 

الدب

New Member
إنضم
31 أغسطس 2010
المشاركات
4
مستوى التفاعل
0
النقاط
1
ماشاء الله عليك يالشمالي ..
اعطيت كل التفاصيل .. ربنا يوفقك وتشوف الشعر عالكتوف ..
والعقباء لنا ان شاء الله
:d​
 

سروري

New Member
إنضم
7 مايو 2010
المشاركات
12
مستوى التفاعل
0
النقاط
1
ما شاء الله قريت الموضوع بالكامل وحسيت اني اقراء قصه ( مغامرات شاب اصلع ) هههههه وعجبني تعبيرك على المنتدى بالكنز
بكل صراحه من التجارب الرائعة الي قريتها في هذا القسم من ناحيه التفاصيل الدقيقه ما قبل العمليه واثناء العمليه وان شاء الله تنجح عمليتك وتزودنا بتفاصيل ما بعد العمليه ويليت تكون مدعمه بالصور عشان تكون تجربه كامله بكل التفاصيل و يستفيد الجميع منها لانه فيه كثير من الصلعان مترددين انهم يعملوا العمليه
واتمنى لك التوفيق
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
الحمدلله على السلامه
كفيت ووفيت
وبإنتظار التكمله
وان شاء الله تشوف النتيجه اللي تسعدك


اليوم نزلت موضوع تفاصيل عمليتي وبالصدفه ادخل موضوعك وسبحان الله كلنا نفس التنسيق :)
 

الشمال

New Member
إنضم
1 سبتمبر 2010
المشاركات
20
مستوى التفاعل
0
النقاط
1
عبدالله 99
هلا و الله بابو عاابد ...

الله يبارك فيه عمرك و و ينجح عمليتك انت بعد... ترى يابو عاابد انت من الاعضاء اللي حفزوني اني اسوي العمليه عند الدكتور بساام في موضوعك عن تجربتك معاه.
و عن استفسارك بخصوص وش احس فيه بعد العمليه ... سبحان الله تحس بتغيير نفسي ممتاز .. الحين ودي بس ست شهور تنقضي و اشوف بدايه النتيجه.. زي منت عاارف بعد ست شهور اذا الله وفق ومشى كل شئ على مايرام تبدأ 50 الى 60 من النتيجه النهائيه باالظهور..

تحياتي لك يابو عاابد و الله يفوقك دنياا و اخره يا خوي...

يآرب حقق مرآدي

مشكور .. و الله يبارك في عمرك ,,, و يرزقك بكل خير على هالشعور و الدعوه ...


ahmed.ahmed

شكراا جزيلاا يا استاذ احمد ... عاد تدري يا احمد يوم كنت احاول اناام في الليله اللي قبل العميله و الارق و التفكير بالعمليه .. اتذكرت قصتك مع العمليه و كيف انك اكتشفت انك كبرت الموضوع و هو حاجه بسيطه ... بالتوفيق ان شاء الله للجميع .


كاركتير

الله يطولي في عمرك و يجعل ايامك كلهاا ضحك و سعاده ... و يبارك لك في عمرك ...


بس محيرني دكتور بسام ليش يستخدم بخاخ لمنطقة التاج ورى؟؟ مع انه ناس واجد استخدموه وبس بطلوه تساقط الشعر
يعني هل عشان يرجع له المريض ويقرر له عمليه ثانيه ويكسب فلوووس؟ او ايش المغزى ياترى؟
لا ... لكن هذا حل نجاحه مرتفع للمنطقه الخلفيه في الحالات المتوسطه ,,, طبعاا الدكتور وراني صور اشخاص اخذوا بوربيشيا و نجحت نجاح جيد ...
طبعاا لو قصد الدكتور انه يخلي المريض يرجع له ليه صرف له الدواء من الاساس.. انا اتكلم عن البروبيشيا مو البخاخ ...
نهايه الكلام ,,او المغزى .. ان البروبيشيا للمنطقه الخلفيه ينفع لبعض الاشخاص ليه ما تجربه قبل ما تروح و تسوي عمليه..
بالنسبة للعدد حق القرافت، هل عديتهم بنفسك او على كلام الدكتور؟؟ وولو عديتهم هل في جهاز او تعد بينك وبين نفسك؟

بالنسبه للعد والله ما عديت .. انا وين و العد وين :D
طبعا فيه جهاز و صبوره يكتبون عليها الممرضات عدد القرافت اللي تزرعهاا كل مساعده تحت اشراف الدكتور ... في جهاز يكون مع ممرضه .. تسمعه تدقه بس مدري كيف شكله لاني اسمعه ورى يوم كانوا يسوون الثقوب .. بس صوته كنه دباسه ورق.. يكون هو جهاز العد ... و كل 100 ثقب او 150 ثقب تسمع الممرضه تقول للدكتور عن عدد الثقوب اللي سواها ..و اذا انت تبي تعد معاهم ما عندك مشكله ..



الدب


مشكور و الله يبارك لك في عمرك و يسهل امرك و عقبالك ان شاء الله ,,,

سروري
خخخخخخـ مغامرات شاب اصلع ,,, ياخي انت ليه تبي بس تغثني ... قل مغامرات شاب اصلع سابقاا .. رجاءا يعني :D
و الله يطولي في عمرك و انا ما حطيت هالموضوع الا عشان يستفيد منه اشخاص عانوا مثلي من قل المعلوماات ...و ان شااء الله اني باحدث الموضوع من فتره الى فتره بالصور و اي معلومه يمكن تفيد الاعضاء ...طبعاا فيه صور قبل و بعد بس منتظر اخذهاا من الدكتور بساام الاسبوع القادم ان شاء الله ...
والله يوفقك على الخير و السعاده ...

healing touch

الله يسلمك و يرزقك بالخير الجم ...
ان شاء الله بقرا موضوعك و ابرك لك على عمليتك فيه ... موفق خير ,.,,​
 

مشاري3

Member
إنضم
19 يونيو 2010
المشاركات
181
مستوى التفاعل
0
النقاط
16
معطااااااااااااء والله انك معطاء وكريم اخوي الشمال على مابذلته من شرح وافي كافي للموضوع
قول امين الله يعطيك بكل حرف كتبته عشر شعرات ولو فاض تتبرع فيه لي ههههههه
الف حمدلله على سلامتك يالغلا .. ابهرني اسلوبك بالشرح وسعة بالك وحبك للخير ومن بعض نستفيد ونفيد
وان شاء الله تشوف النتايج الي تسرك يالغلا..
 

ماجد محمد

مؤسس الموقع
إنضم
11 أبريل 2010
المشاركات
2,929
مستوى التفاعل
5
النقاط
38
ماشاء الله تبارك الله

زراعة مرتبة

والحمدلله انك استفدت من المنتدى وانت الان تفيد اخوانك واخواتك

موضوعك في طرح تجربتك نموذجي (شامل ومفصل ودقيق وبالصور )

تم تقيمه 5/5

تحياتي لك
 

الشمال

New Member
إنضم
1 سبتمبر 2010
المشاركات
20
مستوى التفاعل
0
النقاط
1
مشااري3

الله يطولي في عمرك و امين ان شااء الله ههههه
و اشكرك و الحمد لله ان الاسلوب و الموضوع لاقى اعجاابك وان شااء الله ان الاعضااء يستفيدون منه...هذا المغزى من الموضوع اصلاا الافااده مثل ما استفدت قبلهاا...

ماجد محمد

ياهلاا بالاب الروحي لصلعاان ...هذا المغزى من الموضوع هو افاادت النااس مثل ماا استفدت من تجااربكم انتم اللي حفزتوناا و قربتواا لناا الحلم لين ماا صاار حقيقه ... و ان شااء الله تكون النتائج النهاائيه مرضيه ونااجحه ...
و شكراا على التقييم و الحين حسيت اني رديت بعض من الدين اللي علي لهذاا المنتدى
دمتم بود كل ابوكم <<< لاحد يشره على اللبااقه خخخخخـ
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
الله يوفقك يالشمالي استحمل هالعشر ايام لين تفك الخيوط واذا تبي نصيحتي حاول بقد ماتقدر ترتاح

وربي يحقق لك ماتتمناه وعجبتني محد درى عنك من اهلك ههههههههههههه ونصيحه لااحد يدري خصوصا من

اخوياك لانهم بيشغلونك يبون يشوفون وكل مايقابلونك بيسألون وشلون صلعتك هههههه
 

نون

New Member
إنضم
21 يونيو 2010
المشاركات
10
مستوى التفاعل
0
النقاط
1
مبروووووووك الف مليون مبروك
وعقباااااال الصلعاان كلهم
 

الحيران

New Member
إنضم
7 يوليو 2010
المشاركات
25
مستوى التفاعل
0
النقاط
1
--------------------------------------------------------------------------------

ماشاء الله
اول شي الحمدلله على سلامتك
والف مبرووك والله يتمم عليك بخير والنجااااح
وعقبال الشعر كثيف :d
ومشكور على الموضوع المفصل واستفدت منه كثير الله يجزاك خير وينال مرادك
وبأنتظار الباقي ..
 

ابو طاقية

متميز
إنضم
11 أغسطس 2010
المشاركات
75
مستوى التفاعل
0
النقاط
6
الف مبروك اخوي وانشاء الله تكون عملية ناجحة وتداعب شعرك رياح الشمال
 
أعلى