bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

سوال بخصوص زراعة الشعر

كويتي 8

New Member
إنضم
7 يوليو 2010
المشاركات
9
مستوى التفاعل
0
النقاط
1
السلام عليكم





بخصوص زراعة الشعر
ايهما افضل زراعة الشعر بالقتطاف او نزع الشريحه

وهلا هناك فرق بينهم​
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
والله يالغالي كل طريقه لها مميزات الخاصه فيها

لو تشوف قسم التجارب راح تلقى تقارير للطريقيتن شوف الصور بنفسك والتجارب واحكم بنفسك

اسأل الله ان يكتب لك الخير والتوفيق
 

مشاري3

Member
إنضم
19 يونيو 2010
المشاركات
181
مستوى التفاعل
0
النقاط
16
وعليكم السلام ورحمة الله
اخوي كويتي من تجارب الاخوه الكرام تقدر تختار الانسب لك.. وايضا بنقل لك الفرق بين الطريقتين من موقع عيادة دمشق

الطريقة الأولى fut : تعتمد على نقل شريحة من مؤخرة فروة الراس (المنطقة المتبرعة) بعدها يتم غلق الجرح تماما بحيث لايكون هناك أثر مكانه ثم تقطع هذ الشريحة إلى أجزاء صغيرة (تحتوي شعرة أو ثلاث فقط) بواسطة الميكروسكوب والمكبرات
ان ايجابيات هذه الطريقة هو

لايحتاج الشخص لحلاقة الشعر
منظر طبيعي في المنطقة الخلفية مكان اخذ الشريحة لان الشعر يغطي المنطقة بعد الخياطة
الحصول على كميات كبيرة من الشعر 6000 شعرة
جلسة واحدة
زمن العملية يتراوح بين 4-6 ساعات
لاتتأثر المنطقة المتبرعة بالكثافة
تخدير منطقة صغيرة
الحصول على بصيلات مع نسيج يحميها
الحصول على كثافة ممتازة وذلك لوجود كميات كبيرة من الشعر اي ضعف كمية الشعر من الطريقة الاولى
نسبة النتائج أفضل بكثير ب30%من الطريقة الثانية
التكلفة عادية
ان سلبيات هذه الطريقة هي

جراحية ولهذا بعض الاشخاص يخافوا من العمل الجراحي ولكنه عمل جراحي بسيط مثل اي جرح نتيجة حادث او ضربة سكين او اي شيى اخر
ألم خفيف من 5-7 أيام
ندبة صغيرة غير ظاهرة بالخلف مغطاة بالشعر
خياطة الجرح ولكن هي خياطة تجميلية


الطريقة الثانية fue : فهي غير جراحية فتعتمد على أخذ وحدات بصيلات واحدة واحدة بواسطة اداة مقاس 1 ملم من المنطقة المتبرعة الخلفية أو الجانبية التي تلتئم فورا بعد48 ساعة من العملية
ان ايجابيات هذه الطريقة هي :

غير جراحية
نقاط صغيرة مكان اخذ الصيلات بالمنطقة المتبرعة بالخلف او الجوانب
سرعة الالتئام
لايوجد خياطة
سلبيات هذه الطريقة:

حلاقة الشعر
الحصول على كميات قليلة من الشعر وبزمن أكثر
تخدير معظم فروة الراس
الحصول على كميات قليلة من 1000-2500 شعرة ..ملاحظه الان تفننت بعض العياداة واصبحت الكميه اكثر من ذلك
عدة جلسات
زمن العملية أكثر من 8-12 ساعة
تصبح المنطقة المتبرعة أقل كثافة
الحصول على بصيلات بنسيج خفيف
تعرض البصيلات للرض نتيجة الاقتطاف والسحب والفصل اي تعرض البصيلات للاذية ثلاث مرات اكثر من الطريقة الاولى
الحصول على نتائج أقل ب30% من الطريقة الاولى
الحصول على كثافة عادية نتيجة الكميات القليلة المسحوبة من الشعر
التكلفة عالية


وطبعا مرحلة زراعة البصيلات

أن زراعة بصيلات الشعر هي نفسها بالنسبة للطريقتين وذلك باحداث تقوب ممائلة لها بالحجم بالمنطقة المراد زراعتها دون إحداث أثار ظاهرية على المنطقة .

تقبل تحيتي لكـ
 

كويتي 8

New Member
إنضم
7 يوليو 2010
المشاركات
9
مستوى التفاعل
0
النقاط
1
والله يالغالي كل طريقه لها مميزات الخاصه فيها

لو تشوف قسم التجارب راح تلقى تقارير للطريقيتن شوف الصور بنفسك والتجارب واحكم بنفسك

اسأل الله ان يكتب لك الخير والتوفيق



مشكور علي ردك الجمييل وربي يوفقك
 

كويتي 8

New Member
إنضم
7 يوليو 2010
المشاركات
9
مستوى التفاعل
0
النقاط
1
تسلم وولله اخوي مشاري علي الرد كفيت ووفيت ,

يعني انا اشوف المناسب الطريقة الأولى fut ,, لي انها تعطى كثافه للشعر ,,

وانشالله الله يسهل
 

هلابش

Member
إنضم
15 مايو 2010
المشاركات
124
مستوى التفاعل
0
النقاط
16
الإقامة
K S A
حياك يالقرم حبيبي كويتي 8 اخواني مشاري وعبدالله ماقصرو بيض الله وجيهم عاد أنا بدعي لك ان الله يكتب اللي فيه الخير لك عزيزي وأنا عن نفسي لوفكرت ازرع بإذن الله راح أزرع بالطريقه الأولى أولا لأني ما أخاف قوي بتحمل يعني أمواس ومشارط ودم وحركاااات ههههههههه لا تصدق بس بختارها لأن امكانية زرع عدد كبير بهذة الطريقه جيد وكذالك الكثافة فمبدأيآ راح ازرع فيها وإذا بعدها حسيت اني احتاج زياده فالكثافه العمليه الثانيه راح تكون بالإقتطاف بإذن الله وانت عاد إذا كان درجة الصلع عندك كبيره فمن المره الأولى ماتنفع معاك الإقتطاف خلها العمليه الثانيه وان شاء الله ماتحتاجها يارب مع ان تضع في الإعتبار تكاليف الإقتطاف أعلى وكذالك تتم على عدة جلسات ... تحياتي يالغلا
 

كويتي 8

New Member
إنضم
7 يوليو 2010
المشاركات
9
مستوى التفاعل
0
النقاط
1
هلا بش ,,,, بيض الله وجهك يالذيب ,, بس انا حمدلله نسبة الصلع فيني مو كبيره يعني بالعربي بلحق علي عمري وبسوي
زراعة صار خفيف من الجه الاماميه ,, وابي كثافه
 

هلابش

Member
إنضم
15 مايو 2010
المشاركات
124
مستوى التفاعل
0
النقاط
16
الإقامة
K S A
يابعد روحي والله وزين سويت مشكلتنا الإهمال وعدم المبالاه حتى يقع الفاس بالراس وبعدها نقوم نحوس ونندم ونقول يااااااليت !!!
ودام تشتكي من قلت كثافه وبداية صلع فالحمد لله إلحق على عمرك وأنا اخوك وفي اقرب وقت ممكن اعرض نفسك على دكتور متمكن وخذ رأيه بنوعية العمليه وكم قرافت راح تحتاج واللي راح تعطيك الكثافه والنتيجه اللي ببالك وانت استخر رب العالمين وان شاء الله يختار لك الخير حبيبي بس برضه أقولك
أنا عن نفسي لوكان الصلع عندي خفيف باللمره ومن المقدمه فقط ماراح أزرع إلآ بالأقتطاف ولكن الصلع عندي في اعتقادي في المرحله الثالثه وهذا ماجعلني أختار طريقة الشريحه من وجهة نظري طبعآ وانت عاد زي ماقلت لك والإستخاره أهم شي أحس ألحين انك تقول هذا وهقني هههههه انت ماعليك من كلامي أهم شي قناعتك والقرار الأول والأخير لك والشي اللي تحس انك تميل إليه وترتاح له قرره وأسأل الله لك وللجميع التوفيق لما فيه الخير .. تحياتي يالغلا
 

كويتي 8

New Member
إنضم
7 يوليو 2010
المشاركات
9
مستوى التفاعل
0
النقاط
1
^_^ اي وقهتني ,, يعني مدري انت تبي تسوي طريقة القتطاف بس على كلامك انها ماتعطى كثافه عاليه ,,

بصراحه انا بسويها في ايران يقولون في دكاتره ممتازه والاسعار جدا مناسبه ,, بالكويت ياخي شي مو طبيعي اسعار نار يحسب لك الشعره بدينار يعني لو تزرع 3000 شعره ب3000 دينار ؟؟ ولله زرت عيادة معروفه بالكويت ولله شفت صور مو شي يعني يخفون بصراحه ,, وانا خالي توه راد من ايران مسوي زراعة مشالله شي مرتب ,,
 
أعلى