عاجل وخاص بخصوص عمليات الزراعة الحقوووووو

ياااخوان ماابي اطول عليكم بالحكي ،،، الدكتور احمد التركي مرة حبوب وممتاز في العمل لكن مرة غالي يعني انا رحت له وقالي تكلفت عمليتك 24000 الف ريال وبصراحة هالمبلغ مرة كبير وغالي كثير طبعاً لما قلت له المبلغ كبير قالي الي يبي الزين يدفع مدري غرور والا ثقة ..


المهم انا كنت احلق عند حلاق تركي وقلت له ودي ازرع قالي ازرع قلت له الزراعة غالية عندنا يوم قلت له السعر انهبل وقالي حرام تدفع هالمبلغ الزبدة قالي انه يعرف واحد من تركيا عايش بالرياض وعنده صلع فراح تركيا وسوى العملية ورجع والحين شعره مرة حلو ،، سألته عن سعر العملية قالي ماتكلفك كثير يقول في حدود 4000 ريال ،، وقالي اذا جاني التركي المحل بكلمك علشان تسأله ويعلمك كم تكلف ،، طبعاً خويي الحلاق التركي يقولي انه بيروح تركيا على شهر 10 وبيجلس اربع شهور ويقولي اذا قررت تجي كلمني وانا ازبط وضعك


يااخوان العملية بـ 4000 وتوصل الى 7000 الاف ريال ،، والتذكره بـ 2000 ريال والسكن لمدة اسبوع بيكلفك مبلغ بسيط يعني ماراح تتعدى 15000 ريال .. ومنها سياحة وزراعة ..



اخواني انا قررت بصراحة اسوي العملية في تركيا بس ودي القى احد يروح معاي منها فرصة نخلي المركز يرخص لنا ومنها نعزز لبعض .. الي يبي يروح معي لتركيا يتواصل معاي على الخاص بأنتظار الجااد وشكراً لكم ...

اخوي نصيحة لا تسافر قبل تتاكد
وعلى فكره كل الحلاقيين هذي سواليفهم
ولما تبغى تشوف وتتاكد ماراح تلقى نتيجه
اتمنى منك التاكد اولا
وصدقني لاتوجد زراعة بهذا السعر 4000 ريال لا في تركيا ولا في غيرها

والله ياخوفي يقولك 4 الاف وقبل السفر بيوم اذا حجزت التذاكر تزيد الى 6 الاف وفي المطار اذا وصلت توصل الى 10 واذا قص الشريحه توصل 15 الف مادري لكن ماني مقتنع بكلامه

ياليت تتأكد وتاخذ اسم الدكتور وعنوانه وتكلمه بنفسك قبل تحجز وتسافر

أنا من ضحايا هؤلاء الأجانب المسوقين ! .

كن حذرا ..

اخوي والله واحد من اخوياي راح لبنان وزع شعر كلفته الزراعه 15 الف ريال من غير السكن والمصاريف يعني اكيد التكاليف نفس تكاليف الزراعه هنا لكن ياليت يرخصون الاسعار هنا انا جيت مستشفى اوباجي عند الدكتور سمير قالي بزرع لك 7000 بصيله بعشرين الف ريال وانحشت ههههههههههههه

يامزيون 7000 بصيله بعشرين الف ريال ونحشت اجل لو رحت عند الدكتور احمد التركي كان قال بزرع اقل من نصهم
وبثلاثين الف ريال هذا غير الفحص والدواء ويمكن بعد بياخدو عليك تكلفة الكوفي والغداء ههههههههههه وخليها على الله بس

ابو بدر قال:

عفوا اخوي
ذكرت ان صاحبك اخبرك ان العملية بتركيا تكلف ( بحدود ) 4000 ريال ( اي ان التكاليف لاتصل ل 4000 ريال )

وذكرت انت في سياق الكلام ان العملية تصل تكاليفها ل 7000 ريال فهناك فرق بين ان تكون ( بحدود ) 4000 ريال وبين انها تصل ل 7000 ريال

( امل توضيح ذلك )

بالتوفيق ان شاء الله وعقبال النتائج الحلوه

أنقر للتوسيع...

اخوي مافرقت خمس الاف ولا ادفع 24 الف عند الدكتور احمد ،، انا اليوم بروح احلق عند الحلاق وببخليه يعطيني رقم التركي الي سوى العملية وبسأله وبتأكد من كل شي وبقول لك وش صار ..

أ م ل قال:

أنا من ضحايا هؤلاء الأجانب المسوقين ! .

كن حذرا ..

أنقر للتوسيع...

ممكن توضح اكثر ،، ياليت تقولي لي تجربتك مع هؤلاء المسوقين ..

اقتباس:
المشاركة الأصلية كتبت بواسطة اصلع ومزيون
اخوي والله واحد من اخوياي راح لبنان وزع شعر كلفته الزراعه 15 الف ريال من غير السكن والمصاريف يعني اكيد التكاليف نفس تكاليف الزراعه هنا لكن ياليت يرخصون الاسعار هنا انا جيت مستشفى اوباجي عند الدكتور سمير قالي بزرع لك 7000 بصيله بعشرين الف ريال وانحشت ههههههههههههه


اخوي اعتقد تقصد 7000 شعره وليست بصيله
ليس من الممكن زراعة هذه الكميه من البصيلات في جلسة واحده

اصلع ومزيون قال:

اخوي والله واحد من اخوياي راح لبنان وزع شعر كلفته الزراعه 15 الف ريال من غير السكن والمصاريف يعني اكيد التكاليف نفس تكاليف الزراعه هنا لكن ياليت يرخصون الاسعار هنا انا جيت مستشفى اوباجي عند الدكتور سمير قالي بزرع لك 7000 بصيله بعشرين الف ريال وانحشت ههههههههههههه

أنقر للتوسيع...

فرع جده أو الرياض؟؟
وهل العمليه بنظام الشريحه ولا الاقتطاااااف؟
وفقك الله

طائر الحرم قال:

فرع جده أو الرياض؟؟
وهل العمليه بنظام الشريحه ولا الاقتطاااااف؟
وفقك الله

أنقر للتوسيع...

بجاوب بدل الأخ اصلع مزيون

الطريقه الشريحه وفرع الرياض الدكتور سوري

انتبه من الحلاق ربما يحفر لك حفرة

ويعلم انك ستأتي له بتركيا ويغدر فيك لانك جاي ومعك على الاقل 20000 ريال سعودي

وهذا المبلغ راح يشتري له عمارة او عمارتين ويترك العمل بالسعودية

في الحقيقة أنا حرص جدا ولا اثق لا في الاتراك ولا غيرهم ....