رويال هير او است اثيكا

سيد المعرفة · 8 يوليو 2015

السلام عليكم ورحمة الله

اخواني الله يخليكم ساعدوني انا متحير ونفسيتي تعبانة

انا ابي اروح تركيا لاجل زراعة الشعر

لكن فيه عيادتين انا متحير بينهم ورحلتي قريبة جدا بعد 20 يوم ان شاء الله

اخواني ايهم افضل ؟ عيادات رويال هير ؟ او است اثيكا ؟

رويال هير فيها الدكتورة اروز خان وايضا تجارب الاعضاء ممتازة والمنسقين ممتازين وعرضوا علي 2100 دولار فقط

است اثيكا الدكتور فيها محمد بوزاد او بوعذاب وتجارب الاعضاء ايضا ممتازة والمنسقين ممتازين وعرضوا علي 2000 دولار فقط

كلهم بدون الفندق لاني رايح احجز عن طريقي

افيدوني الله يخليكم لان المنتدى هنا الكل يمدح في رويال هير والكل يمدح في است اثيكا لكن انا متحير ايهم اختار وايهم اروح وهل رويال افضل من است اثيكا ام انهم اثنينهم مثل بعض ويبقى عامل السعر فقط ؟

وجزاكم الله خير

ابرة بنج · 9 يوليو 2015

مرحبا بفيدك اخوي من تجربه وكنت محتار مثلك بين المستشفيين اللي ذكرت وراسلتهم مع خمس مراكز وتوكلت على الله واخترت استثكا وكان اختيار موفق والحمد لله رغم ان رويل هير جدا ممتاز وكل اللى عملو الزراعه يثنون عليه
المهم في الموضوع ان الدكاتره مو ضروري هو اللى يسوي لك العمليه ويمكن ماتشوفه اصلا المهم في الطاقم اللى بيعمل العمليه وانت وحظك
الحاجه اللى ابيك تهتم فيها اذا اخترت استثكا خلهم يحجزون لك الفندق افضل لان لهم سعر مخفض وراح تفرق معك واختر فندق الهلتون دبل تري الجانب الاسيوي منطقه مره مريحه وحلوه

نسناس · 9 يوليو 2015

اهلين اخوي ..
الحقيقة رويال هير جداً رائع ..
من نظافة وتعامل المنسقين ..
واللي يريحك اخوي بعد ماتستخير..
والفندق يفضل تزود 300 او 400 دولار مع سكن 5 نجوم 3 ليال مع الإفطار ..

نسناس · 9 يوليو 2015

ابرة بنج قال:
مرحبا بفيدك اخوي من تجربه وكنت محتار مثلك بين المستشفيين اللي ذكرت وراسلتهم مع خمس مراكز وتوكلت على الله واخترت استثكا وكان اختيار موفق والحمد لله رغم ان رويل هير جدا ممتاز وكل اللى عملو الزراعه يثنون عليه
المهم في الموضوع ان الدكاتره مو ضروري هو اللى يسوي لك العمليه ويمكن ماتشوفه اصلا المهم في الطاقم اللى بيعمل العمليه وانت وحظك
الحاجه اللى ابيك تهتم فيها اذا اخترت استثكا خلهم يحجزون لك الفندق افضل لان لهم سعر مخفض وراح تفرق معك واختر فندق الهلتون دبل تري الجانب الاسيوي منطقه مره مريحه وحلوه

اخوي ابو بنج ..
انا اختلف معك تماماً ..
بالنسبه لي ضروري يعمل العملية دكتور لانه مو قضية اقطف وازرع .. العملية تحتاج مرونه ودراسة والدكتور افضل من الممرض ..
غير كذا انت تقول الطاقم بيعمل العملية وانت
وحظك ؟
لا ياحبيبي ابو بنج انا دافع سعر مقابل جوده مو جاي اجرب .. انت وحظك هذي ماتمشي ..
وهذا للأسف بعض المراكز يجيك الدكتور ويسلم عليك ويمشي ويخلي الطاقم كله هو اللي يقتطف ويفتح القنوات ويزرع ..
وبالنسبه للفندق ذهبت اخوي للواجب وتركت الأوجب والمهم الزراعة مو الفندق لانه كلها 3 ايام واكثرها بالعيادة.

ابرة بنج · 9 يوليو 2015

نسناس اتفق معك في كل كلمه لكن الواقع مختلف في تركيا بالذات فالعمليه تاخذ وقت طويل ولا يمكن للدكتور ان يعمل لكل البشر القادمين للزراعه في وقت واحد فكل مركز يجرون اكثر من خمس عمليات زراعه في اليوم ان لم يكن اكثر لهذا صار الاعتماد على الطاقم فقط واشراف الدكتور ان حصل

سامر22 · 9 يوليو 2015

ابرة بنج قال:
نسناس اتفق معك في كل كلمه لكن الواقع مختلف في تركيا بالذات فالعمليه تاخذ وقت طويل ولا يمكن للدكتور ان يعمل لكل البشر القادمين للزراعه في وقت واحد فكل مركز يجرون اكثر من خمس عمليات زراعه في اليوم ان لم يكن اكثر لهذا صار الاعتماد على الطاقم فقط واشراف الدكتور ان حصل

مو لازم اعملها بتركيا شف مراكز ثانيه في أي دوله الدكتور يقوم بعمل العمليه

ابرة بنج · 9 يوليو 2015

سامر22 قال:
مو لازم اعملها بتركيا شف مراكز ثانيه في أي دوله الدكتور يقوم بعمل العمليه

نعم اخوي كنت بقول نفس كلامك لكن الطاقم الطبي قد يكون عنده احترافيه اكثر من الدكتور من كثر العمليات اللي يجريها والدتور نفسه يثق فيهم لانه يهمه سمعته وسمعة المستشفي

اطلعو على تجارب الاخوان وشوفو في السنه الاخيره من اللى اجرى لهم عملية الزراعه الاغلب الطاقم الطبي وكلها ناجحه ونتائجها جدا ممتازه

سيد المعرفة · 9 يوليو 2015

طيب من الموثوقية فيه اكثر ؟

لان تجارب است اثيكا موجودة وايضا تجارب الرويال هير

هل اختار الارخص ؟

ابرة بنج · 9 يوليو 2015

ليس هناك فرق كبير في السعر اخوي كلها 100 دولار لكن اختر ماترتاح له نفسك وتوكل على الله

نسناس · 9 يوليو 2015

والله الرويال هير كويس واجزم عليه ..
لكن مركز است شكله على اسمه ههههه ..
كلهم كويس لكن الرويال 100 ال 100

سيد المعرفة · 9 يوليو 2015

رويال هير عندهم اروز خان

است اثيكا عندهم جهاز التقنية الجديدة في الزراعة بالاضافة الى ابرة prp مجانا

ايش اسوي

نسناس · 9 يوليو 2015

آي تقنية جديدة !!
يارجل كلهم واحد اجهزتهم حديثه ومتطورة ..
العلم على الاقتطاف وخفة اليد وتوزيع البصيلات ..
واعرف كل موقع لازم يسوي فلسفة وتزويد كلام بحيث تقول انهم هم الوحيدين اللي عندهم هالتقنية وترتاح لهم ..
طبعاً هذا مايناقض عملهم الجيد ..

alsemiri007 · 9 يوليو 2015

اثنينتهم كويسين لكن انصحك انك تستخير وصدقني قلبك حيميل اكثر لواحد منهم
وزي ما قال اخوي تقريبا التقنية وحدة مافي فرق كبير
بالتوفيق ان شاء الله

Alajmii · 10 يوليو 2015

الله يسلمك انا توني جاي البارحه ومسويها عند ارزو في رويال هير
اشهد بالله من دخلت عندهم رحبت فيني وخططت راسي وسوت الاقتطاف
وفتح القنوات وزراعه كل شي سوته بيدها معها معاونه

سامر22 · 10 يوليو 2015

حمدلله ع السلامه أخي العجمي وبإذن الله قدامك العافيه وعفوا سوال هل الاخصائيه اروز عضوه في جمعية اوروبا للشعر ؟
اسم فندقهم رويال هير؟

Alajmii · 10 يوليو 2015

سامر22 قال:
حمدلله ع السلامه أخي العجمي وبإذن الله قدامك العافيه وعفوا سوال هل الاخصائيه اروز عضوه في جمعية اوروبا للشعر ؟
اسم فندقهم رويال هير؟

الله يسلمك ..والله مدري عن العضويه بس اللي اعرفه كانت بمشفى شيفري

قبل رويال هير ..بالنسبه للفندق اسمه Avrupa Residence Suites

سيد المعرفة · 10 يوليو 2015

هل ابر prp مهمة ؟

لان رويال هير عارضها ب 200$
واست اثيكا مجانا

sami ahmed · 10 يوليو 2015

السلام عليكم اخى انا اجريت العملية فى رويال هير من عشرين يوم وهم فعلا ممتازيت والمنسقين محترمين والاجمل فى كل ذلك ان الدكتورة هى من تقوم بالعملية بنفسها من اقتطاف وزراعة حتى فى الغسيل كانت هى من تقوم بالغسيل بنفسها
استخر اللة واترك الامر للة

سيد المعرفة · 10 يوليو 2015

اخواني ارجوكم كل اللي يقولون زرعوا في رويال اعضاء جدد ولا نزلوا تجربة

اسعفوني باقي لرحلتي 3 ايام بس

ماجد محمد · 10 يوليو 2015

اخوي
مركز رويال هير لهم تجارب متعدده
والمختصه لديهم (ارزو) لديها تجارب قديمه موجوده في المنتدى

رويال هير او است اثيكا

Member

Member

Member

Member

Member

Member

Member

Member

Member

Member

Member

Member

المشرف العام

New Member

Member

New Member

Member

New Member

Member

مؤسس الموقع