bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

زراعتي في مصر د. شادي المغربي بتاريخ 19-5-2015

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
سلام عليكم

الحمد لله اخيرا عملت العملية
ومبدأيا عمري ما توقعت اعملها في مصر :)

مقدمة مالهاش لازمة :)

مشكلتي بدأت بتراجع في خط الشعر الامامي(او جبهة عريضة) بدأ وانا في سن صغيرة واستقر علي كده ومتراجعش تاني
لكن الحمد لله معانيتش قبل كده من تساقط في الشعر او ضعف عام
جربت علاجات طبية كتيــــــــــــــر جدا وواظبت ورحت لدكاترة كتير وكبار وبرده مفيش نتيجة
سمعت عن زراعة الشعر الطبيعي من 4 سنين تقريبا ودخلت المنتدي ده بس مكانش فيه تجارب كتير
اللي كنت عاوزاه اني الاقي دكتور كويس في مصر
بس للاسف كل اللي شفته كان بالنسبالي تجارب مخيبة ولان فكرة السفر بالنسبالي في الوقت ده مكانتش تنفع قفلت الموضوع
بس من سنه ونص تقريبا رجعت افكر في الموضوع تاني وكان مسببلي ازمة نفسيه

كل تفكيري كان في تركيا وفعلا بدات اجراءات السفر وبدات ادور
راسلت منسق مركز مشهور جدا اكيد كلكو عارفينه وعارفين مشكلة المنسق بتاعه مردش فبعت شكوي للمركز بعدها رد المنسق و بعت تاني كذا مرة مكانش في اي رد
فكرت ابعت للمركز تاني بس اتدايقت قلت مش هعمل عندهم حتي لو ردو
بعدها فكرت في رويال هير
راسلت المنسق وكان في منتهي الذوق وكنت مقررة بس معرفتش اخلص ورق السفر
زعلت بس قلت اكيد خير :)

بعدها فكرت في السعودية وبدات اقارن كتير وادور علي النت من جديد
و لقينا علي النت ان في دكتور كان شغال بره جه مصر من فترة قصيرة ..د شادي المغربي
بس برضه مفكرتش في مصر من كل اللي كنت بسمعه

الحمد لله انا كنت بصلي استخارة كتيـــــر جدا
وسبحان الله في يوم حلمت حلم والله اقل من ثانية ماما بتطبطب علي كتفي وبتقولي توكلي علي الله وروحي لشادي المغربي :)
(لو مكانكم مش هصدق :) )
استغربت اكيد

بس بدأت ادور علي تجارب ليه وادور في السي في بتاعه عرفت انه دكتور جلدية وعامل (دكتوراه او ماستر) في زراعة الشعر و عضو في ishers

وشفت تجارب نازلة عنده بعد 10 ايام وبعد شهر وبعد 6 شهور كلها كانت حلوة بس ملاقيتش تجارب هنا في المنتدي
المهم قررت اروح واجرب وبصراحه لما رحت ارتحت وحسيت بامانه في التعامل سالته المساحة دي مستاهلة زراعه ولا لا قاللي دي حاجة بترجعلك انتي نص الناس كده وعايشين بيها طبيعي وناس تانيه لا بس هي لو هتتعمل هتحتاج حوالي 1200 جرافت
قلتله اني كنت ناوية اعمل في السعوديه عند د فلان قاللي ده حبيبي وممتاز هو بيعمل بالشريحه قلتله انا كنت بفضل الشريحة (علشان الحلاقة) قاللي لا للاسف احنا هنا بنعمل اقتطاف بس وشرحلي الحلاقة بتم ازاي

عموما محستش باسلوب ترويج او نظام (امسك في الزبون) :emoji40:

رسم خط الشعر الامامي وطبعا سالته السؤال المعتاد.. مينفعش تنزل عن كده :) ؟
قالي لا اكتر من كده هيكون مش طبيعي وشكلها كده متناسق

وشفت عنده فيديو لواحد بيتكلم بنفسه وماشاء الله النتيجة ظهرت عنده من 3 شهور ل 6 شهور :) وده طمني طبعا

قعدنا كتير واستفسرت عن كل حاجة وبعدين رجعت وانا مرتاحة و شبه مقررة اني اعملها
وبعت التحاليل للمركز وحددنا معاد العمليه 19-5



تفاصيل العمليه

اسم الدكتور : شادي المغربي
عدد الطاقم : 4 (2 دكاترة و 2 ممرضات )
مدة العملية : مقدرتش احدد
طريقة الزراعة : fue
البصيلات المستهدفة : 1200
البصيلات المزروعة 1208
البنج: موضعي
تكلفة العمليه : 14 الف مصري بس هو عمل ديسكاوند ل 12
الفحوصات : الفحوصات العادية

يوم العمليه لقيت ان الحلاقة الجزئية هتتغطي تماما بباقي الشعر ودي حاجة ريحتني جدا :emoji9::emoji9::emoji9:
النقطة دي مهمة للبنات :) : بدا الدكتور ومعاه الممرضتين بالحلاقة هو حلق من اسفل الراس بس ساب خصل تحت المنطقة المحلوقة وعلي الجنبين وباقي الشعر فوق فبقت عبارة عن دايرة في نص الشعر مش بتبان ابدا لما بلم شعري كله الحمد لله :)
البنج طبعا متعب بس مكانش بالحقن ... هو بدا بجهاز معين (مشفتش شكله) بيبعت زي خبطات في الجلد علشان يخدره الاول ودي بتوجع شوية وبعدها بيحقن البنج بالحقن العاديه بس دي مبتوجعش لانها بتكون شبه اتخدرت

د شادي بيعمل الاقتطاف كله وبيكون معاه د هيثم (بس مش عارفة هل بيعمل معاه او لا لاني مكنتش شايفة)

عمل اقتطاف 600 وبعدها ريست صغير وبعدها 608
وبعدها اخدنا بريك للغدا

بعدها بدا د شادي بفتح القنوات كلها

وبعد كده دهيثم مع الممرضتين بداو يزرعو البصيلات
وكان د شادي بيجي يبص كل فترة
وفي الاخر جه تقريبا كان بيكمل معاهم زرع وبعد العمليه حط كذا واحدة في اماكن مختلفة (قال انه علشان تدي منظر طبيعي)

اكيد مش هقدر احدد نجاح العملية دلوقتي بس انطباعي الفريق كله ذوق جدا الممرضتين معاملتهم لطيفة اوي
الشغل كان منظم التعقيم مفيش مقياس اقيس عليه بس كان حلو و بشكل عام مكانش في سلبيات

بعدها صرفنا الادوية
حقنة واحدة(كورتيزون تقريبا مش فاكرة) و مضاد حيوي سبراي واقراص

رابع يوم العملية لسه في اماكن فيها اثار البنج مش حاسة بيها
كان في تورم بسيط في الجبهة مفروض ليهم مساج معين الدكتور قالي عليه وبدأ يقل الحمد لله
وفي ألم في المنطقة المانحة

الملخص ... انا الحمد لله مرتاحة نفسيا ومبسوطة جدا اني خدت التجربة وبدعي ربنا يكملها علي خير واكيد النتايج لسه مش دلوقتي بس الحمد لله عندي امل كبير
وكل ما بفتكر يوم العملية بحس براحة
نصيحة بجد اي حد بيفكر في الموضوع صلي استخارة كتير وسيبها علي ربنا وخد الخطوة :)

ان شاء الله هحطلكم تفاصيل اي حاجة جديدة الاحظها
دعواننكم :) :emoji9::emoji9::emoji9:
 
التعديل الأخير بواسطة المشرف:

demand

New Member
إنضم
13 يوليو 2014
المشاركات
2
مستوى التفاعل
0
النقاط
1
ألف مبروك ع نجاح العملية وان شاء الله تتم علي خير بالنهاية : )

كنت عايز اسأل بعيدا عن تكلفة العملية، الرحلة بالمواصلات بالاقامة بالعلاج بكل شئ اتكلفت كم إجمالي؟
لأني احتمال ازور الدكتور شادي واتفق!
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
ألف مبروك ع نجاح العملية وان شاء الله تتم علي خير بالنهاية : )

كنت عايز اسأل بعيدا عن تكلفة العملية، الرحلة بالمواصلات بالاقامة بالعلاج بكل شئ اتكلفت كم إجمالي؟
لأني احتمال ازور الدكتور شادي واتفق!

الله يبارك فيك شكرا علي الدعوه : )
كنت اتمني افيدك بس هي الفكرة ان انا من مصر فمكانش في تكاليف للمواصلات او الاقامة كانت تكاليف العملية بس
والعلاج كان (120 جنيه مصري) بس مش عارفة هل ده كل العلاج ولا لسه في تاني لان المفروض ان في زيارة الاسبوع ده ان شاء الله ومش عارفة هل هيزود حاجة ولا لا للفترة الجاية

بس انت ممكن تكلمهم وتستفسر منهم عن الاقامةو كل التفاصيل دي هما اكيد هيفيدوك اكتر انا كنت بتصل بيهم كتير قبل العملية اسال عن اي حاجة وهما بيتعاملو بذوق اوي هيجاوبوك علي كل حاجة

بالتوفيق ان شاء الله واي استفسار تاني انا موجودة
 

demand

New Member
إنضم
13 يوليو 2014
المشاركات
2
مستوى التفاعل
0
النقاط
1
شكرا لك ع الرد، هتصل بهم ان شاء الله واستفسر ع كل شئ
وربنا يوفق الأصل بإذن الله
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
بالتوفيق ان شاء الله
 

alsemiri007

المشرف العام
إنضم
19 يناير 2012
المشاركات
1,653
مستوى التفاعل
0
النقاط
36
الف مبروك على العملية اختي
ان شاء الله تشوفي نتايج طيبة باذن الله
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
اقتباس:
المشاركة الأصلية كتبت بواسطة alsemiri007
الف مبروك على العملية اختي
ان شاء الله تشوفي نتايج طيبة باذن الله

أمين يارب شكرا علي الدعوات الحلوة
 

Manalahmad

New Member
إنضم
22 يونيو 2015
المشاركات
1
مستوى التفاعل
0
النقاط
1
السلام عليكم

اختي ارجو منك التواصل ع الخاص انا ناويه اعمل ف مصر بردوا انا مصريه مقيمه بالسعوديه يا ريت تتواصلي معايا
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
اقتباس:
المشاركة الأصلية كتبت بواسطة Manalahmad
اختي ارجو منك التواصل ع الخاص انا ناويه اعمل ف مصر بردوا انا مصريه مقيمه بالسعوديه يا ريت تتواصلي معايا


انا حاولت ابعتلك رسالة كذا مرة بس للاسف معرفتش
لو تعرفي تبعتيلي انتي وانا تحت امرك في اي استفسار
:)
 

rehamkhaled

New Member
إنضم
30 سبتمبر 2015
المشاركات
13
مستوى التفاعل
0
النقاط
1
الف مبروك علي اللعملية واانا مصرية وحابة اعمل العملية بس ياريت اعرف منك تفاصيل علي خاص شكرا
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
الف مبروك علي اللعملية واانا مصرية وحابة اعمل العملية بس ياريت اعرف منك تفاصيل علي خاص شكرا

الله يبارك فيكي وعقبالك يارب
وانا تحت امرك في اي استفسار
بس انا للاسف مش عارفة التواصل علي الخاص في المنتدي هنا بيكون ازاي
لو عرفتي تبعتيلي انا تحت امرك في اي حاجة :)
ربنا يوفقك يارب :)
 

Meme ronti

Member
إنضم
24 يناير 2015
المشاركات
423
مستوى التفاعل
1
النقاط
18
الف مبروك أختي على العمليه وان شاء الله تكون ناجحه ومرضيه لك
 

rehamkhaled

New Member
إنضم
30 سبتمبر 2015
المشاركات
13
مستوى التفاعل
0
النقاط
1
شكرا لردك بس يريت لو حد يفيدنا من الادمن في المنتدي عن كيفبة التواصل علي الخاص ..سؤالي علي نتيجة العملية هل فعلا الشعر طلع في الجبهة وتقيل ولا ايه الوضع وهل دكتور شادي كويس ولا تنصحي بدكتور تاني لأن في اسامي كتير و انا مش عارفة مين افضل واحد واسفة علي الازعاج بس انا عايزة اطمن وياريت نعرف نتواصل عاي الخاص
 

alsemiri007

المشرف العام
إنضم
19 يناير 2012
المشاركات
1,653
مستوى التفاعل
0
النقاط
36
شكرا لردك بس يريت لو حد يفيدنا من الادمن في المنتدي عن كيفبة التواصل علي الخاص ..سؤالي علي نتيجة العملية هل فعلا الشعر طلع في الجبهة وتقيل ولا ايه الوضع وهل دكتور شادي كويس ولا تنصحي بدكتور تاني لأن في اسامي كتير و انا مش عارفة مين افضل واحد واسفة علي الازعاج بس انا عايزة اطمن وياريت نعرف نتواصل عاي الخاص
السلام عليكم اختي
التواصل على الخاص مغلق حاليا لاسباب ادارية
تقدري تتواصلي مع صاحبة الموضوع هنا على العام عشان الكل يستفيد
 

rehamkhaled

New Member
إنضم
30 سبتمبر 2015
المشاركات
13
مستوى التفاعل
0
النقاط
1
ياريت لو صاحبة البوست تفيدني هل العملية نجحت عند دكتور شادي والشعر الأمامي طلع وطول بشكل طبيعي ولا ايه . وعايزا حد ينصحني باحسن مركز في مصر وتركيا والافضل اني اعملها في مصر ولا تركيا وياريت تقولي لو حضرتك شايفة د شادي من الناس الكويسة في مصر ولا في حد تاني افضل
 
إنضم
6 سبتمبر 2013
المشاركات
177
مستوى التفاعل
0
النقاط
16
الاسلوب شيق وممتع وان شاء الله تكون النتائج مثل ما تتمني واكثر
 

يوسف هانى

New Member
إنضم
20 أكتوبر 2015
المشاركات
1
مستوى التفاعل
0
النقاط
1
مصر بها اففضل اطباء العالم فى زراعة الشعر والزراعة بالطبيب ليس مثل تركيا كلهم ممرضين وممرضات
انصح كل المصريون والعرب ان يعملوها فى مصر
اطباء مصر عالميون فى كل المجالات هل انتم سمعتم عن طبيب عالمى تركى ؟؟؟؟؟
يوسف هانى
 

rehamkhaled

New Member
إنضم
30 سبتمبر 2015
المشاركات
13
مستوى التفاعل
0
النقاط
1
شكرا ليك يوسف بس ياريت لو تفيدني عن افضل اطباء في مصر في زراعة الشعر
 

ya RP

Member
إنضم
31 أغسطس 2014
المشاركات
58
مستوى التفاعل
0
النقاط
6
ياريت لو صاحبة البوست تفيدني هل العملية نجحت عند دكتور شادي والشعر الأمامي طلع وطول بشكل طبيعي ولا ايه . وعايزا حد ينصحني باحسن مركز في مصر وتركيا والافضل اني اعملها في مصر ولا تركيا وياريت تقولي لو حضرتك شايفة د شادي من الناس الكويسة في مصر ولا في حد تاني افضل

اولا اسفة جدا علي التاخير في الرد
ثانيا بالنسبة للعملية النتيجه عندي كانت غريبة شوية يعني هو الشعر موقعش هو كان بيطول طول الفترة اللي فاتت من ساعة ما شيلت القشور
لحد الشهر التالت كان خفيف جدا ومكنتش بعرف اقعد بيه كان لازم انزل قصة اوي اي حاجة تغطي المكان
دلوقتي عدي عليا 5 شهو ونص تقريبا
الحمدلله المساحة كلها متغطية بحيث لو قعدت بيه قدام اي حد مبيقدرش يفرق بينه وبين شعري العادي ولا بيلاحظ ان في حاجة غريبة بالعكس
يعني اخيرا بقيت اعرف اقعد رافعه شعري لورا :)
الحمد لله
بالنسبة لطوله تقريبا بقي 5 سم بس طبعا المنطقة المانحه بتطول اسرع
مشكلتي الوحيدة ان شعري الاساسي تقيل جدا وكثافة الشعر المزروع لسه موصلتش للدرجة اللي نفسي فيها يعني انا عارفة احس الفرق ده لكن اي حد قدامي مش بيعرف يفرق بينه وبين شعري الاصلي وبيحس انها كثافة طبيعيه(بس انتي عارفه الانسان طماع :) )
بس الدكتور اكدلي انه لسه بدري علي النتايج النهائية خصوصا اني مكملتش ال6 شهور وكل شهر بحس بفرق في الصور عن الشهر اللي قبله الحمد لله

بالنسبالي النتيجة النهائية لسه بدري عليها علي حسب كلام الدكتور بس اختيار دكتور شادي كان اختيار صائب جدا الحمدلله انا مختارتوش ومكنتش اعرف حد عمل عنده بس كنت بصلي استخارة كتير جدا جدا والحمدلله ربنا هداني اني اروحله ولما رحت وراني اكتر من حالة عنده وشفت فيديو لواحد عنده كان بيتكلم بنفسه وظاهر بوشه وبيحكي قبل وبعد ووالدتي شافت الولد ده بنفسها بعدها يوم العملية بتاعتي وانا جوا
الحاجات دي ريحتني اكتر
ان شاء الله عندي زيارة قريب للمتابعه
بصراحه بعد مارحت حسيت انها مكانتش مستاهله ابدا اروح تركيا خصوصا اني دلوقتيي اقل حاجة بتحصل بكلم الدكتور وبساله وبحدد معاد معاهم وان النتايج لحد دلوقتي الحمدلله مريحة وان شاء الله تبقي مريحة اكتر الفترة الجاية
بالنسبالي مكنتش مقتنعه بالزراعه في مصر او ملاقيتش تجارب تطمن قبل كده(يمكن يكون في وانا مشفتش) بس هو كان استثناء في رايي واعتقد ده لان ده تخصصه يعني المركز مفتوح لزراعة الشعر بس .. انما معظم الدكاترة هنا بيبقو دكاترة جلدية وممكن في النص يعملو عملية زراعة شعر فبالنسبالي اكيد التخصص (ال subspeciality) بيكون احسن
كفاية كده علشان محدش يفتكر اني بعمل دعاية :D

انا نفسي اساعدك اكتر لاني مقدرة والله الحيرة اللي انتي فيها و مريت بكل ده وكان نفسي بس اسمع من اي حد اي حاجة او اشوف اي تجربة لبنت بالصور .. لو ينفع بعد اذن الادارة تكتبيلي ايميليك اتواصل معاكي عليه واوريلك الصور

واهم حاجة بجد صلي استخارة كتييييييييييييييييير جدا علي اد ماتقدري دي اهم حاجه هتلاقي ربنا هيوفقك للصح ان شاء الله
ربنا يتمهالك علي خير يارب ان شاء الله :)
 
أعلى