bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربة زراعة الشعر في شيراز بطريقة الاقتطاف fue

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
تجربة زراعة الشعر في شيرا بطريقة الإقتطاف مع النتائج بعد 7 شهور

السلام عليكم ،
أولا شكرا لهذا المنتدى الرائع وللأعضاء في الجرأة في طرح تجاربهم .
حبيت أعرض لكم تجربي الشخصية في زراعة الشعر في شيراز بطريقة الاقتطاف ، بكتب كل التفاصيل لأني أعرف ان الاعضاء يحبون التفاصيل الصغيرة مثلي ههههه :D.
العمر : 28
بداية التساقط :
كان في عمر ال 22 ابتدى على جوانب الرأس في المقدمة بعدين ابتدى خط الشعر يرجع للوراء ، وبعمر 25 سنة ابتدى عندي التساقط في المنطقة الخلفية وكان أسرع من التساقط في الامام بحيث انه في خلال سنتين صارت المساحة الفاضية كبيرة جدا :(.
الادوية : طبعا خلال 4 سنوات تجارب ما ظل شي ما جربته ، ادوية موضعية وتونيك وفيتامينات وشاميوهات ، ومينوكسديل وميزوثيرابي ، والنتيجة ولا شي :eek: .
طبعا ص ما يحتاج أقول اي كثر هذا يأثر على النفسية لأن الكل هني عارف يعني شنو تساقط بعمر الشباب ، فابتديت من قبل سنة أبحث عن زراعة الشعر وأقرأ مواقع أجنبية لانها مليئة بالتجارب والصور . حاولت أسافر لدكتور اجنبي آخذ استشارة لكن ما قدرت بحكم ظروف عملي .

البحث :مرة من المرات قلت خلني أبحث بالعربي يمكن ألقى احد من الشباب العرب حاط تجربته ومعاها صور ، فبحثت ولقيت مواضيع بسيطة ، لكن قرات موضوع تحمست له كثير في منتدى كويتي عن زراعة الشعر في شيراز بطريقة الاقتطاف ، كانوا الشباب موديهم منسق ايراني اسمه مسعود ويمدحون في العيادة . ولأني من النوع اللي يتأكد من الشي الف مرة راسلت الاعضاء وما قصروا معاي خصوصا لان فيهم ناس كانوا زارعين من قبل 7 شهور وناس اكثر فالنتيجة طلعت وهم راضين وفرحانين وقالوا لي روح وتطمن ، في واحد منهم كان في منتهى التعاون والطيبة راواني صوره وكلمته مسنجر وراواني النتيجة بالكاميرا وكان راضي تماما ً ويقول انه راح يرجع نفس العيادة ويزرع أكثر . هني صادني الحماس زين



أنا طبعا ً تطمنت لهذا الشخص جدا ً ووثقت فيه وفي كلامه خصوصا لأني شفت النتيجة حتى بالكاميرا ، فرحت اتصلت على مسعود وكلمته وأخذت منه التفاصيل وسألته عن العيادة ودقة عملهم وعن عدد الأشخاص اللي يزرعون قال لي أصلا من كثر اللي يروحون لازم تحجز من قبل فإذا تبي كلمني احجز لك موعد . قلت له انتظر بعد أراجع نفسي وأرد عليك لأني سمعت ان طريقة الاقتطاف ما تطلع شعر كثيف ، ورحت أسوي سيرج مرة ثانية بالمواقع الاجنبية واليوتيوب عن الزراعة بالاقتطاف شفت نتايج مذهلة وكان الدكاترة الاجانب يقولون مو المهم الطريقة اللي ينشال فيها الشعر ، المهم الطريقة اللي يزرعون فيها الشعر ويعتمد على خبرة الدكتور والممرضة واقتنعت ان ترى ممكن أحصل نتيجة ممتازة واليوتيوب مثل ما قلت لكم ما قصر خلاني اتطمن . :)
ولما بحثت بالعربي أيضا ً شفت هذا المنتدى وتجارب الأعضاؤ مع دكتور بسام الجباعي ، فقلت دامها خطوتين خلني أروح له واخذ استشارة ، لما رحت قال لي انت محتاج 1300 بصيلة للمنطقة الامامية بتعطيك تقريبا من 3000 الى 3400 شعرة والمنطقة الخلفية ما راح ازرعها ، عالجها ببروبيشيا لمدة 6 شهور ، طبعا انا لا اقتنعت ان 1300 بصيلة تكفي لتغطية المنطقة الامامية ولا اقتنعت ان بروبيشيا راح يقدر يغطي المنطقة الخلفية لاننها كبيرة والشعر ميت خلاص وما عاد ينفع له علاج وقلت له هذا الكلام وهو حاول يقنعني ، والنتيجة انا ما اقتنعت . سألته عن المنطقة المانحة عندي قال لي جيدة جدا ً لا تحاتي . بعد الزيارة انا ما ارتحت قلت يا ازرع كامل يا بلاها لأني تعبت من كثر العلاجات.:rolleyes:
طيب ألحين ناس مسوين زراعة في العيادة بشيراز وكلمنا وتأكدنا، صور وشفنا واقتنعنا ، شنو باقي غير حتى نوصل للمرحلة اللي يقولون فيها " حتى يطمئن قلبي ؟ " ، الخيرة بالقرآن طبعا ً ، أخذت خيرة بالقرآن وطلعت زينة قلت يبى ليش التردد أنا مو خسران شي قوي قلبي وأتوكل على الله سبحانه وتعالى وأروح . :)

تفاصيل السفر والعملية:
اتصلت على مسعود وحجز لي موعد في العيادة ورتب لي أمور الفندق . طبعا المنسق مسعود قالوا لي عنه رجل أمين وطيب قبل ما أروح ، وأنا بعد ما رحت وقعدت معاه اسبوعين أقول إنه رجل أمين وصادق وطيب جدا ً جدا ً جدا ً . يعني بوقت السفر حسيت كان لي نعم الصاحب تحمل فيني زين.
اول يوم وصلت بالليل قال لي خلنا نستغل الوقت ونروح دايركت العيادة قبل لا يصكون وندخل على الاستشارية تسوي لك فحص وتشوف كم شعرة تحتاج قلت توكلنا على الله .
رحنا ودخلت مع المنسق كان يترجم لي ، قالت انت محتاج 7000 شعرة ، قلت لها لا أنا أبي اكثر ترى منطقة التساقط عندي مو سهلة ، قالت امممم لا انت مو محتاج ، قلت لها بلى محتاج وأنا مو كل مرة أقدر أسافر لازم أبي أكثر تكثيف ممكن ، بعد اللتي واللتي قالت نسوي لك 8000 و وبكتب في الملف مالك اذا وقت الزراعة احتجت اكثر يحطون لك أكثر وتدفع الفرق قلت طيب :D.

تكلفة العملية : 3 مليون و200 الف تومان ، تقريبا تصير 11500 ريال

بعدها رحنا سوينا فحص دم في نفس الليلة ، وطلعت النتيجة يوم ثاني الحمدلله كل شي بخير ، ورحنا اخذنا النتيجة وعلى طول العيادة ورحنا لأول جلسة .
طبعا اول ما رحت ما ارتحت لان غرفة العمليات كبييييرة ومفتوحة على بعضها فيها أسرة كل واحد يشوف الثاني ، بس لما دخلت وابتديت العملية شفت اصلا ان من الالم محد له خلق يطالع الثاني ههههه كل من بحاله .
لبست ثياب العملية وخليت اغراضي الشخصية في السيفتي بوكس وأخذت المفتاح معاي . وابتدى المشوار.
حلاقة الشعر بالماكينة على رقم صفر ، يحلقونه بطريقة معينة حتى تبين أماكن الصلع من اماكن اللي فيها شعر .
بعدين رسم خط الشعر جت الممرضة ورسمت لي الخط ، وطبعا استغربت لان رسمت لي خط نازل تقريبا مثل ما كان خط شعري قبل التساقط يوم كان عمري 22 سنة :confused: . وانا قلت لهم مو كانه نازل؟ :confused: هم فكروا ابي انزله أكثر قالوا لا ما يصير !!! قلت لهم اوكي ههههه خلاص .
قبل العملية لازم يقيسون ضغط الدم ودقات القلب ، تاخذ 3 كبسولات كل يوم يقولون حتى ما يطلع منك دم واجد اثناء العملية. وبعد العملية تاخذ مضاد ، الادوية أول يوم مجانا من العيادة واذا طلعت يعطونك وصفة طبية حق تشتري الادوية وتجيبها وياك الايام الجاية .
يبتدون بتخدير المنطقة اللي بيقتطفون منها البصيلات ، البنج آآآآآآخ ألم ألم ألم أكثر شي يألمني كل يوم ساعات احس أبي أقوم اعطي الممرضة كف هههه . بعد البنج يقتطفون بصيلات وأنا اذا تألمت أقول لها ألم ألم pain وتقوم ترد تضربني بنج ، لسوء حظي ما تفهم لا عربي ولا انكليزي الا كلمات متقاطعة .:D
ساعات اذا احتاج شي وقت العملية ينادون لي ممرضات ثانيين يعرفون يتكلمون انكليزي واتفاهم وياهم. المهم تقريبا كل يوم 3 ساعات ونص مقسمة بين اقتطاف البصيلات وزراعتها. 10 دقايق بريك تروح الحمام هذا اهم شي طبعا لان البنج يخليك تبي تروح حمام كل 10 دقايق هههه.:eek:

بعدما تخلص الزراعة تنظف راسك كل يوم وتخلي عليه دواء مكان الاقتطاف وتلفه بالبندج.
تمت زراعة 8000 شعرة على النحو التالي : 6000 للمنطقة الأمامية ( 5 ايام ) و2000 للمنطقة الخلفية ( يومين).
آآآآآآآآآآآآآآه تعب تعب من البنج والروحة والجية في 7 أيام ، لكن بالنهاية ارتحنا ، وبعد ماكو قص ولا خياط وراء راسي. :)
طبعا بعد الزراعة تقدر ترد ديرتك ، او تنتظر اسبوع وتغسل بالعيادة وتسوي 10 جلسات ليزر مجانية. أنا من النوع الخواف قلت شنو يعني لو دفعت اجار فندق وفلوس للمنسق مال 7 أيام زيادة؟؟ خليني اقعد وأرتاح وأغسل بالعيادة أضمن واحسن لانهم مغسلين لآلاف قبلي وعندهم خبرة. فقعدت هناك وتمللت ههههههه التيفي ماكو الا قنوات ايرانية تلوع جبدك ودبي الرياضية. والانترنت للأسف الفندق كنت بغرفة ما يوصل لها وايرلس بعدين نقلوني لغرفة فيها نت .


غسيل الشعر :
مضى اسبوع على آخر يوم عملية ، ورحت اغسل شعري بالعيادة ، ولما طالعت شكلي بعد الغسيل هني صادني احباط مو طبيعي ، وووووووووووين راح شعري؟؟؟ أكثره كله طاح بالغسيل ، لأن قدام بعض الشعر طاف عليه ما يقارب 13 يوم وهو مزروع.
طبعا انا من كثر ما كنت اقرا صرت خبرة واعرف ان الشعر اذا طاح ترى البصيلة داخل وماكو مشكلة. لكن سويت روحي أهبل وقلت للمرضة وين شعري وشرحت لي السالفة وانا استهبل حتى أتأكد ( حتى يطمئن قلبي هههه) :D.
ورديت دخلت على الاستشاري مال العيادة وهو صاحب العيادة وشاف شعري قال لا تخاف كل شي سليم والجذور داخل. ورديت دخلت على الدكتورة اللي تشرف على عمل الممرضات وقالت لي دام غسلت في العيادة لا تخاف كل شي تمام وهذا طبيعي . وتصدقون للحين احاتي وربي ؟؟؟؟ صدق إني خواف هههههههه .
المهم بعد الغسيل سويت ليزر 4 أيام ، ورديت للديرة .
الادوية بعد العملية :فيتامين بعد الفطور 1 حبة ، زنك 1 حبة بعد الغذاء ، حديد 1 حبة بعد العشاء. و بروبيشيا 1 حبة قبل النوم .
وشامبو للغسيل اليومي تستخدمه بعد 20 يوم من العملية ، وتونيك للتدليك بعد السباحة .
طبعا أنا قلت لهم انا استخدم بروسكار اخذ ربع حبة باليوم قالوا ماكو مشاكل.

الفندق:
قيمته تقريبا 60 الف تومان ، تقريبا 200 ريال ، شامل الفطور فقط ، غرفة نوم وصالة ومطبخ وحمام لكنه خوش فندق ونظيف.

وألحين نجي إلى الصور في المرفقات .

ملاحظة أو طلب صغير : الرسول الأكرم يقول ، أفضل دعوة هي دعوة يدعوها المؤمن لأخوه المؤمن في ظهر الغيب ، لا تنسونا من دعائكم :)

وأبي رايكم في الزراعة من خلال الصور ، شنو تحسون كثيف أو لا ؟ والزراعة زينة او لا؟

وأي استفسار انا راح أطل على الموضوع من وقت للثاني لا تترددون في السؤال.







=================================================================================

تحديث للموضوع رقم 1: تم رفع الصور والنتائج بتاريخ 9\6\2011 ، بتلاحظ من اسم الصورة حطيت كم شهر ، صور عند الشهر الرابع والشهر السابع مع فلاش وبدون وصورة واحدة لما قبل عملية الزراعة تشوفون فيها الصلعة الكريمة سابقا ً ، اي أسألة انا حاضر لكم
إن شاء الله بعد شهرين او ثلاثة إذا حسيت فرق عن نتيجة 7 شهور راح انزل صور
 

المرفقات

  • 1.jpg
    1.jpg
    64.2 KB · المشاهدات: 2,354
  • 2.jpg
    2.jpg
    64.6 KB · المشاهدات: 1,899
  • 3.jpg
    3.jpg
    77.1 KB · المشاهدات: 1,980
  • 4.jpg
    4.jpg
    98.4 KB · المشاهدات: 2,075
  • 6.jpg
    6.jpg
    83.3 KB · المشاهدات: 1,860
  • 7.jpg
    7.jpg
    63 KB · المشاهدات: 2,032
  • 9.jpg
    9.jpg
    69.6 KB · المشاهدات: 2,086
  • 10.jpg
    10.jpg
    98.8 KB · المشاهدات: 1,888
  • 4_months.jpg
    4_months.jpg
    33.9 KB · المشاهدات: 1,717
  • 4_months_back - Copy.jpg
    4_months_back - Copy.jpg
    8.6 KB · المشاهدات: 1,424
  • 7_months_flash1.jpg
    7_months_flash1.jpg
    16.1 KB · المشاهدات: 1,357
  • 7_months_no_flash.jpg
    7_months_no_flash.jpg
    32.6 KB · المشاهدات: 1,538
  • BEFORE_TRANSPLANT - Copy.jpg
    BEFORE_TRANSPLANT - Copy.jpg
    33.6 KB · المشاهدات: 1,794
  • closer_front - Copy.JPG
    closer_front - Copy.JPG
    18.5 KB · المشاهدات: 1,324
  • front_1 - Copy.JPG
    front_1 - Copy.JPG
    38.6 KB · المشاهدات: 2,006
  • front_2 - Copy.JPG
    front_2 - Copy.JPG
    16.4 KB · المشاهدات: 1,367

amedo

Member
إنضم
15 أغسطس 2010
المشاركات
91
مستوى التفاعل
0
النقاط
6
مبروك العمليه وان شاء تكون النتايج احسن مما تتوقع
واضح ان اللى عمللك العمليه محترفين
بس كم كانت التكلفله للعمليه ؟
 

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
تسلم أخوي ، نسيت سعر العملية وتمت اضافته فوق

السعر كان 3 مليون و200 الف تومان ، تقريبا تصير 11500 ريال

والادوية بعد اشتريتهم من هناك ل 6 شهور ، تقريبا 800 ريال
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
عليكم السلام ورحمة الله وبركاتة

الحمدالله على سلامتك والف مبروك العمليه

بصراحه شغل احتراف الله يتمم لك على خير ياغالي

ويعطيك العافيه على عرض التجربه
 

ahmed5

New Member
إنضم
26 سبتمبر 2010
المشاركات
13
مستوى التفاعل
0
النقاط
1
بصراحه شغل تمام وباحتراف ربنا يديم الزرعه على خير وينبتلك كل شعرك

بس هو طلامه انت زرعت ياغالى النوبيشيا دى كتبوهالك للشعر الى مزروع ولا النوبيشيا دى علشان المنطقه الى ورا الى اتاخد منها الشعر ؟
 

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
بصراحه شغل تمام وباحتراف ربنا يديم الزرعه على خير وينبتلك كل شعرك

بس هو طلامه انت زرعت ياغالى النوبيشيا دى كتبوهالك للشعر الى مزروع ولا النوبيشيا دى علشان المنطقه الى ورا الى اتاخد منها الشعر ؟

البروسكار أو البروبيشيا هذا يوصفونه بالأساس للحفاظ على شعرك الغير مرزوع من التساقط ، وممكن ينبت لك شعر في المنطقة الخلفية .

وفي نفس الوقت دائما ً يوصفونه بعد الزراعة تستخدمه لمدة 6 شهور لأنه يساعد في زيادة سرعة نمو الشعر المزروع ، ويساهم في إنبات شعر صحي هذا على حسب ما قرأت في النت يعني .

أتمنى أكون جاوبتك أخوي .
 

ahmed5

New Member
إنضم
26 سبتمبر 2010
المشاركات
13
مستوى التفاعل
0
النقاط
1
البروسكار أو البروبيشيا هذا يوصفونه بالأساس للحفاظ على شعرك الغير مرزوع من التساقط ، وممكن ينبت لك شعر في المنطقة الخلفية .

وفي نفس الوقت دائما ً يوصفونه بعد الزراعة تستخدمه لمدة 6 شهور لأنه يساعد في زيادة سرعة نمو الشعر المزروع ، ويساهم في إنبات شعر صحي هذا على حسب ما قرأت في النت يعني .

أتمنى أكون جاوبتك أخوي .

حياك الله يااخى على اجابتك الوافيه
 

dods

Member
إنضم
29 مايو 2010
المشاركات
110
مستوى التفاعل
0
النقاط
16
الف مبروك و اعقبال النتيجة النهائية
 

الاسطوري

موقوف
إنضم
18 مايو 2010
المشاركات
1,038
مستوى التفاعل
0
النقاط
36
مبروك على العملية ما شاء الله شغل احترافي

وابشرك عندي صاحب عمل العمليه في شيراز ونتائج الزراعة كانت خرافيه والله لو تشوفه ماتقول انه كان اصلع.

بس في اكثر من سؤال لو سمحت

هل ايران امان؟ يعني هل تعرضت الى مضايقات او شي من هذا القبيل؟
هل يوجد عرب؟ ( اتخبر على الاقل الواحد يحس بالامان) :)
وهل تنصحني بالذهاب ولماذا :)
 

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
مبروك على العملية ما شاء الله شغل احترافي

وابشرك عندي صاحب عمل العمليه في شيراز ونتائج الزراعة كانت خرافيه والله لو تشوفه ماتقول انه كان اصلع.

بس في اكثر من سؤال لو سمحت

هل ايران امان؟ يعني هل تعرضت الى مضايقات او شي من هذا القبيل؟
هل يوجد عرب؟ ( اتخبر على الاقل الواحد يحس بالامان) :)
وهل تنصحني بالذهاب ولماذا :)

الله يبشرك بالخير أخوي ، اتمنى النتايج تكون حلوة وخرافية مثل ما تقول حتى نودع الصلع والنفسية تعتدل

بسألك هذا صاحبك كم شعرة زرع وشنو كانت مرحلة الصلع عنده؟

إيران بلد أمان وماكو فيها مشاكل أبدا ً كل من بحاله ، والله تحس كأنك بديرتك.

ما ادري ليش تخافون من ايران ههههه ، هناك يروحون كويتيين وبحرينيين ومن دول الخليج يعني ، وقبل ما أجي بيومين كان رايح سعودي بعد حق علاج . يبى دام رايح بفلوسك يحطونك بعيونهم من داخل .

وأنا الصراحة ما أقدر أنصحك لحد ألحين تروح أو لا لأن توني زارع والنتيجة بعد باقي عليها واجد

لكن بخصوص العيادة اللي شفته منهم لحد ألحين كل شي زين .
 

يآرب حقق مرآدي

متميزة
صاحبة تجربة
إنضم
29 يوليو 2010
المشاركات
478
مستوى التفاعل
0
النقاط
16
ماشاء الله
الف مبرووك
ربي يتمم عليك الصحه و العافيه
وعقبال ماتشوف النتيجه الحلوه الي ترضيك يارب
ومتابعينك ان شاء الله واكتب لنا النتائج بعد كل فتره
بالتوفيق
 

الاسطوري

موقوف
إنضم
18 مايو 2010
المشاركات
1,038
مستوى التفاعل
0
النقاط
36
الله يبشرك بالخير أخوي ، اتمنى النتايج تكون حلوة وخرافية مثل ما تقول حتى نودع الصلع والنفسية تعتدل

بسألك هذا صاحبك كم شعرة زرع وشنو كانت مرحلة الصلع عنده؟

إيران بلد أمان وماكو فيها مشاكل أبدا ً كل من بحاله ، والله تحس كأنك بديرتك.

ما ادري ليش تخافون من ايران ههههه ، هناك يروحون كويتيين وبحرينيين ومن دول الخليج يعني ، وقبل ما أجي بيومين كان رايح سعودي بعد حق علاج . يبى دام رايح بفلوسك يحطونك بعيونهم من داخل .

وأنا الصراحة ما أقدر أنصحك لحد ألحين تروح أو لا لأن توني زارع والنتيجة بعد باقي عليها واجد

لكن بخصوص العيادة اللي شفته منهم لحد ألحين كل شي زين .

تسلم اخوي والله يسهل على الجميع

اما عن صاحبي فـ زرع عشرة آلاف شعره على مدى 5 ايام كل يوم الفين , وطبعاً اقدر اقولك ان صلعتة كانت من الجبة الى مؤخرة الرأس :) يعني الرجال يقرش نفس مانقول ههههههه , الدكتور في شيراز اعطاه الخيار بين انه يغطي رأسه كامل او انه يركز على مقدمة ومنتصف الرأس لكي يعطي كثافه اكثر, فاختار صاحبي ان يركز على المنطقة الاماميه الى قمة الرأس مع زرع كم شعرة في المؤخرة :) فكانت النتيجه اذا تشوفه من الامام او الجنب تقول مستحيل انه كان اصلع اما اذا تشوفه من الخلف تبين آثار الصلع بنبة 50% , على ان يرجع مرة اخرى ليغطي المنطقه الخلفيه وتكثيف الشعر ( مع العلم اني قلت له مليون مرة ماتحتاج تكثيف بس الرجال طمع اشوف ) :) والحين الصاحب مايظهر والا الشعر سبايكي ههههههههههههه

عقبالي ان شاء الله وافتك من الكاب الي مافارقني من 5 سوات تقريباً :(
 

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
تسلم اخوي والله يسهل على الجميع

اما عن صاحبي فـ زرع عشرة آلاف شعره على مدى 5 ايام كل يوم الفين , وطبعاً اقدر اقولك ان صلعتة كانت من الجبة الى مؤخرة الرأس :) يعني الرجال يقرش نفس مانقول ههههههه , الدكتور في شيراز اعطاه الخيار بين انه يغطي رأسه كامل او انه يركز على مقدمة ومنتصف الرأس لكي يعطي كثافه اكثر, فاختار صاحبي ان يركز على المنطقة الاماميه الى قمة الرأس مع زرع كم شعرة في المؤخرة :) فكانت النتيجه اذا تشوفه من الامام او الجنب تقول مستحيل انه كان اصلع اما اذا تشوفه من الخلف تبين آثار الصلع بنبة 50% , على ان يرجع مرة اخرى ليغطي المنطقه الخلفيه وتكثيف الشعر ( مع العلم اني قلت له مليون مرة ماتحتاج تكثيف بس الرجال طمع اشوف ) :) والحين الصاحب مايظهر والا الشعر سبايكي ههههههههههههه

عقبالي ان شاء الله وافتك من الكاب الي مافارقني من 5 سوات تقريباً :(

إن شاء الله خير ، انت توكل على الله وروح دام صاحبك وتعرفه ليش متردد يعني ؟

أنا ألحين متخوف من الشعر اللي طاح بس ، لأن المنطقة اللي وراء راسي كان طايف على زراعتها 6 أيام بس وأنا رحت سويت غسيل ، ومكتوب في النت إن لازم يطوف عليها 10 أيام :(
 
إنضم
17 أكتوبر 2010
المشاركات
50
مستوى التفاعل
0
النقاط
6
الحمدالله لى سلامتك وان شاء الله من احسن الى احسن

مع ان العمليه في البدايه في منقطة الراس مو حلوه لكن ان شاءالله لما يطلع الشعر يغطي البوصيلات
 

bossbassam

Member
إنضم
24 أبريل 2010
المشاركات
63
مستوى التفاعل
0
النقاط
6
حمد لله على سلامتك وإن شاء الله تشوف النتايج الي تسرك .. وتسوي سبايكي .. وتحط جل بس ها مو تكثر لا يطيح مرة ثانية .. هههههه .. لا لا لا تخاف المزروع ما يطيح ..
 

Diamond

متميز
صاحب تجربة
إنضم
3 نوفمبر 2010
المشاركات
70
مستوى التفاعل
0
النقاط
6
الحمدالله لى سلامتك وان شاء الله من احسن الى احسن

مع ان العمليه في البدايه في منقطة الراس مو حلوه لكن ان شاءالله لما يطلع الشعر يغطي البوصيلات

تسلم ، هذا في البداية مسوين شعرات صغيرة متعمدين حتى ما يبين ان زراعة . وترى قدام أنا واثق ان الزراعة مكثفة لأن زرعوا لي 6000 شعرة ، ويوم رحت لدكتور بسام قال لي 3400 شعرة كفاية لتغطية كل المنطقة ، شوف الفرق في العدد!!

بس المنطقة الخلفية زرعوا فقط 2000 ، أعتقد انها مو كافية بس بنشوف اذا طال الشعر شنو يصير وبعدين أقرر أحتاج تكثيف لو لا .

حمد لله على سلامتك وإن شاء الله تشوف النتايج الي تسرك .. وتسوي سبايكي .. وتحط جل بس ها مو تكثر لا يطيح مرة ثانية .. هههههه .. لا لا لا تخاف المزروع ما يطيح ..

الله يسلمك أخوي ، ويسمع منك يا رب ، أنا ستايلي مو ستايل سبايكي ، بس هو خل يطلع هههههه بعدين عليك تشتري لي جل أصلي ، عاد تصدق حتى جل أنا ما أحط ؟؟ بس كريم كنت احط وبعد كان يطيح !!
 
أعلى