البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنها

7amani قال:

الله يبارك فيك يالغالي وابشرك الامور كلها بخير الحمدلله
بس عندي جم استفسار

متى اقدر افرش اسناني ؟ لاني حاليا ما اقدر افتح فمي الا شوي لان وجهي بعده متيبس نوعا ما.

ومتى يروح هذه التيبس من وجهي وافتح فمي طبيعي واتكلم طبيعي وافرش اسناني طبيعي ؟

ويعطيك الف العافية ان شاء الله

تحياتي

أنقر للتوسيع...

fake hair قال:

صارلي بالضبط شهر ويومين من بعد العمليه بعض المناطق لا تزال حمراء وكثير من الشعر تساقط
الاستفسار انا عندي شعر بذقني سابقا وطويل وواضح وصاير الوضع مناطق حمراء ومناطق طبيعيه ومناطق فيها شعر أساسي
يعني كوكتيل هههههههههههه متى اقدر احلق وع درجة كم وايش نصايحك الفتره الق**** وشكرا لك مقدما

أنقر للتوسيع...

المشعلاني قال:

تقدر تحلق بعد ما يمر شهر من الزراعه بالمكينه

والان مر شهر ويومين يعني تقدر الان

درجة الحلاقه من صفر بالمكينه الى فوق تقدر.. لكن لا تستخدم الموس الا بعد ٨ اشهر الى سنه " واذا اضطريت تقدر بعد ٦ شهور تبدا تحلق موس "

طبيعي الشي الي جالس تقوله بخصوص منابت الشعر الطبيعي والمزروع
المزروع ينبت اسرع من الطبيعي بفرق ٤ ايام تقريبا .. وايضا تعتمد على قوة البصيله المزروعه عندك وسرعة نباتها


التوفيق ان شاءالله

المشعلاني

أنقر للتوسيع...

mut قال:

الله يبيض وجهك يالمشعلاني ، ماقصرت يالغالي
انا ان شاء الله بكرا رحلتي لاسطنبول واتفقت مع عيادة سركال وبيستقبلوني بكرا بالمطار ويوم الاثنين بسويها ان شاء الله .
ارتحت كثير بعد موضوعك ، شكرررا لك��

أنقر للتوسيع...

fake hair قال:

حبيبي المشعلاني ما قصرت بس عارف ان الموضوع تكلمت عليه كثير الا وهو الاحمرار ممكن أي وسيلة تواصل معك عشان اوريك كيف صاير وراسلت العياده وما ردو الى الان وبالنسبه للمنطقه المانحه رجعت ولا كان فيها شي
بس الاحمرار واضح بشكل زين حلقت مكينه على ثلاثه

أنقر للتوسيع...

قمة التميز قال:

اخوي سلام عليكم انا سويتها عند محمد جوتشيلو وناوي انزل موضوع في المنتدى لكن الاحظ ان في شعر يتساقط مع البصيلات تكون شعره مع جسم بيضاوي في الأسفل اسود اللون بكثره وسألتهم قالوا هذا يمكن دهن هل حدث معك نفس الشي هذا الشي بدأ بعد أسبوعين وزاد بعد شهر ايش تتوقع من وجهة نظرك

أنقر للتوسيع...

7amani قال:

السلام عليكم

انا الحين صار خمسة ايام من يوم العملية والامور طيبة الحمدلله
واليوم بدأ معاي التساقط
بس عندي جم استفسار لان الموضوع شاغل بالي الصراحة
القشرة اللي تطيح مع الشعر الاقي بعدها مكان الشعرة نقطة سودة
فهل هذا طبيعي ولا هذي بصيلة مو قشرة.. انا اللي مطمني ان مافيه ولا نقطة دم عند التساقط.. بس شغلة النقاط السود شاغلة بالي..

والنقطة الثانية
هل طبيعي ان يكون بعض الشعر واقف ؟
يعني فيه شعر حوله قشور وواقف فمادري هل هذا طبيعي وهل بتم الشعر واقف ؟
هو عدد قليل من الشعر يعني عندي منطقة الشارب الشعر كله على تحت باتجاه صحيح ماعدا هالجم شعرة اللي واقفين وتحت قشور

مع العلم اني حريص عشان البصيلات ما تتحرك يعني اكل اشياء خفيفة ولينه واشرب بعود والبس اقمصه فقط .. لكن مادري شسالفة الشعر الله يستر بس

تحياتي

أنقر للتوسيع...

حسام الهاشمي قال:

تكفى يالمشعلاني تكفى طلبتك عند استشارة
السلام عليكم
انا بصراحه متردد جدا ، ناوي اسوي عملية زراعة شعر في الوجه والذقن ، لكن ما ادري وين اسويها هل هنا او خارجا ؟؟
خصوصا ماعندي خبرة ولا اعرف منهو الدكتور الشاطر او العيادة المتمكنة جدا هنا في جده وسمعت قصص عن تجارب فاشللة مع دكاترة ولا عندي امكانيات اسافر خارجا!؟؟ احتاج فعلا آراؤكم ونصيحتكم واستشارتكم الصادقة ، وهل هناك مضاعافات خطيرة مثللا بعد العملية تشوهات الوجه !؟ كذلك التعليمات بعد العملية صبعه جدا خصوصا اني يعني عندي شغل كثير فما ادري هل استطيع ان اكون متفرغ لذلك ولكم كل الشكر والتقدير والمحبه وصادق الدعوات !؟

أنقر للتوسيع...

المشعلاني قال:

وعليكم السلام


بالبدايه مبروك عليك الزراعه .. ومحمد جوتشيلو مشهور في زراعة الرأس وانت سويت عنده دقن ف ياليت فعلن انك اتنزل موضوع بخصوص زراعتك عنده والنتائج

بالنسبه للشعر الي يتساقط مع ( القشره ) هذي قشره وليست دهون .. تكلمة عليها بموضوعي الرئيسي بالصفحه الاولى
عند فقرة البصيله والقشره والفرق بينها .. تقدر تطلع على الموضوع الرئيسي وبتشوف الجواب بشكل مفصل

لا تخاف هذي قشور الشعر يتساقط الشعر مع قشره بيضا ملمسها سخيف مره ..

تبدا من اليوم العاشر الى العشرين وبعضهم يطول للثلاثين على حسب كمية الشعر المتساقط .. لكن من اليوم ال 15 لليوم ال 20 يكون اكثر كميه .. الزراعه ماشيه بوضعها الطبيعي مافي خوف ان شاءالله







اخوي المشعلاني هذي ليست قشور هذي بصيله ملتصقة في الشعر تماما وصعب فصلها وانا زرعت شعر الرأس وليس الذقن وسالت المركز يقولون هذي اكياس دهنية بالعربي هذي تصريفه وحسن وسعيد مستحيل يتواصلون معاك بعد الزراعه قبل لا اظلم المركز خلني اشوف تلميحه النهائية وانزل الموضوع كامل


وبالتوفيق وننتظر تجربتك

المشعلاني

أنقر للتوسيع...

المشعلاني قال:

السلام عليكم

ماشاءالله في شباب كثير سوو الزراعه الايام هذي

لكن مافي احد طرح تجربته ؟! ياليت ياشباب الي ماعنده مانع بخصوص طرح موضوع
انه يفتح موضوع عشان يفيد ويستفيد


ننتظر تجاربكم

المشعلاني

أنقر للتوسيع...

7amani قال:

انا نزلت التجربة امس بس لازم إدارة المنتدى تجوفها وتوافق عليها
وبالنسبة للعملية صار لي اسبوع بالضبط و الأمور كلها اوكي الحمدلله ومستمر تساقط الشعر والقشور
بس صار لي موقف امس خلاني اوسوس .. وانا نايم انقلبت على خدي اليمين بالغلط وعلى طول اوتعيت من النوم وعدلت نفسي وواصلت نوم على ظهري .. ولما قعدت من النوم لقيت القشور والشعر تساقط اكثر في جهة اليمين .. وقمت اتاكد شغلت فلاش التلفون ورحت اجوف القشرة والشعر اللي تساقطوا ع السرير .. كان اغلبهم شعر مع قشرة .. وفي بعضهم لكن قليل الشعرة تكون متغطية كامل بالقشرة فمادري هل هم بصيلات او قشرة وشعر والامر طبيعي .. حاليا مستمر التساقط وكلشي طبيعي لكن جهة اليمين القشور والشعر فيها اقل من اليسار .. ياليت تعطيني رايك في الموضوع واكون لك شاكر .


تحياتي

أنقر للتوسيع...

المشعلاني قال:

يامرحبا

ماشاءالله ممتاز بأنتظار تجربتك

بالنسبه لاستفسارك

ارجع للموضوع الرئيسي بالصفحه الاولى
ورح عند فقرة البصيله و القشره والفرق بينهم وبتعرف جوابك بصوره مفصله


بالتوفيق ان شاءالله

المشعلاني

أنقر للتوسيع...

7amani قال:

يعطيك العافية اخوي المشعلاني


المشكلة اني متأكد انها قشرة لكن من اجوف قشرة شكلها غير عن الباقي على طول اوسوس أقول اكيد بصيلة هذي هههههههههههههههههه


والحمدلله لقيت لي طريقة نوم ما اتقلب فيها يمين او يسار
احط الفوطة الملفوفة فوق المخده واخلي الفوطة تكون تحت رقبتي


يعني نفس طريقة النوم اول 5 أيام لكن الفرق ان الفوطة تكون فوق المخده
والحمدلله جربتها اليوم وما تقلبت وانا نايم .. ويوم صحيت لقيت القشور والشعر طايح اكثر من ذيك المرة
ف تأكدت انه كان طبيعي الحمدلله .


وبالنسبة لتجربتي والله للحين انتظر الإدارة تنزلها صار لهم يومين


تحياتي

أنقر للتوسيع...