bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنها

إنضم
17 أكتوبر 2013
المشاركات
150
مستوى التفاعل
0
النقاط
16
بسم الله الرحمن الرحيم


السلام عليكم ورحمة الله وبركاته

اتبع تعليمات طبيبك هو ادرى بحالتك انا هنا كتبت تجربه وكل دكتور يختلف عن الدكتور الاخر بالطريقه والتنبيهات


_online.gif



بالدايه احب اشكر اعضاء المنتدى واحد واحد خصوصا الي طرحو تجاربهم وشاركو بالنصائح



طبعا هذا الموضوع مخصوص للأشخاص الي ناوين يتوكلون على الله
ويسوون عملية زراعة الشنب واللحيه ( الدقن )



الموضوع قد يكون متشابه كثير جدا مع عمليات زراعة الشعر لكن حبيت اخص ( الدقن ) عشان اركز على موضوع واحد واكتب بتجربه مريت فيها ما اتفلسف من راسي




تبي تسوي زراعة دقن ؟ البدايه كيف ؟



_online.jpg




اول شي، الاستخاره ثم المشوره من اصحاب التجارب عشان يدلونك على افضل المراكز

يجي دور المنسق : المنسق تتواصل معاه على الواتس اب وترسل له ٣ صور للمنطقه المانحه و ٣ صور للوجه
راح يعرضها على الدكتور ثم يرد عليك بالموافقه او لا والسعر و موعد المعمليه الي انت تبيه عشان يحجز لك
طبعا راح يستقبلك من والى المطار عائد ان شاءالله والفندق مخير انت .. لان مع الفندق راح يزيد السعر شوي

اول ما تحجز التذكره ترسل له صوره من التذكره مع موعد الوصول عشان يتم تأكيد حجزك للعمليه ويستقبلك


الحين بعد ما توصل بالسلامه ان شاءالله .. راح يستقبلك و يوديك للمقابله مع الدكتور و عمل التحاليل اللازمه
ويتحدد موعد العمليه الرسمي بأذن الله لان المواعيد في بعض المراكز لك عليها .. ثم يرجعك للفندق ترتاح

المبلغ يكون كاش في اغلب المراكز .. و تسلم جزء منه بيوم المقابله والباقي بيوم العمليه
ويفضل انك تسلمه كامل المبلغ عشان ما ينسرق منك او يضيع لا سمح الله





وقت العمليه



نجي الحين لاهم شي ( وقت العمليه ) !!!!



تروح بيوم العمليه وانت لابس قميص " ينفتح بالازرار " لا تلبس تيشيرت، عشان تقدر تلبسه بعد العمليه وما يحتك بالدقن

راح تدخل غرفة العمليه وهي بالاغلب تكون غرفه صغيره يعني عكس الي تتوقع تقريبا كأنها عيادة اسنان
راح يحلقون شعرك و يعطونك حبوب تصبرك على ال ٧ ساعات :D بعض المراكز ماهو كلها


الحيين فعلن اهم نقطه وهي الفااارق جدااا وهي الي راح تحدد مدا رضاك عن العمليه والنتائج
( تحديد رسمة الدقن )

في هذي النقطه خلك " بـثـر " فيها هم راح يرسمون لك من راسهم انت لا تستحي منهم او تقول هذا شغلهم وتسكت لا ! بالنقطه هذي ( هذا وجهك انت ) انت الي تحدد الرسمه الي تجوز لك والي انت تبيها
لو تجلس ساعه عشان الرسمه ماعندك مشاكل افضل من انك تخلص العمليه ثم تندم ! لان هذي بصيلات المنطقه المانحه ! وما تتعوض ! فخلك حريص جدااا اذا ارسمو واغلطو قلهم امسحوو ! ابي كذا وابي كذا

واهم شي خل المنسق او احد يتكلم عربي معك لان بعض المراكز الطاقم ما يتكلم لا عربي ولا انجليزي فا تتوهق وعلى بالك انهم افهمو وهم مافهمو الي انت تبيه صح ! ف خل المنسق يركز على نقطه انه يجيب واحد يتكلم عربي وقت الرسمه عشان تعطيهم تنبيهاتك واماكن التكثيف الي تبيها انت وتكون النتيجه مرضيه ان شاءالله

النقطه الاخيره صور بجوالك الرسمه اذا خلصو راسمين كل شي عشان تقارن بعد العمليه اذا سووها نفس ما طلبت او لا وخلهم يشوفونك وانت اتصور .. وسم بالله وتوكل عليه وادع ان الله ينجحها
واستغل وقت ال ٧ ساعات بالاستغفار وذكر الله
( البنج موضعي ) يعني راح تكون صاحي

راح يبدون يقتطفون البصيلات مدة ساعتين تقريبا " افضل طريقة ال fue بالاقتطاف "





بعد العمليه



خلصت العمليه ؟ على البركه



طبعا الحين بعد ما تخلص العمليه اول شي بتتفاجأ منه وجهك :eek: لان راح يكون متفووووخ جدا من البنج
وارح اشرح اكثر بالتفصيل بالنقاط الجايه



مابعد العمليه



اول شي انتفاخ الوجه : طبعا لا تخاف من نقطة انتفاخ الوجه بعد العمليه من اثار البنج هذا
وراح تزول الانتفاخات بأذن الله بعد ١٠ ايام الى ١٥ يوم ان شاءالله ف لا تخاف

الادويه : راح يعطونك العياده بعد العمليه ادويه تستخدمها مسكنات و مضادات حيويه تستخدمها تقريبا ٥ ايام

اليوم الاول بعد العمليه : راح يجيك سواق العياده وياخذك من الفندق ويوديك العياده يفقكون الشاش من المنطقه المانحه ويطهرونها لك ثم يرجعك للفندق

المنطقه المانحه : المنطقه المانحه راح تتعافى ان شاءالله من شهرين الى ٦ اشهر ، بعد العمليه راح يجيك الم بالمنطقه المانحه و حكه وتنمل ، لا تخاف هذا شي طبيعي وبالمسكنات راح يخف الالم ، طبعا الالم يختلف من شخص لشخص لكن حدود الالم يستمر لمدة ١٠ ايام تقريبا




طريقة الغسيل



_online.gif



اللوشن والشمبو والبخاخ :


طبعا تبدا تستخدم اللشون والشمبو بعد ثالث يوم من العمليه ! البخاخ باليوم ال 15 من يوم العمليه

اللوشن : اول اسبوع (طبعا تبدا من اليوم الثالث من العمليه ) لمدة ٧ ايام تدهن اللوشن على المنطقه المانحه بأطراف الاصابع وتخلي اللوشن على المنطقه المانحه مدة من ساعه الى ساعتين ثم تاخذ شور

طريقة الشور والشمبو

الشمبو : تجيب غضاره او علبة ببسي عائله وتقسمها نصين طبعا غسلها كويس .. وتضيف الشمبو وحط شوية مويه ثم حركها بيدك بتتكون عندك زغوه خفيفه اذا شفت الرغوه زد عليها مويه بدفع قوي شوي عشان تكثر الرغوه .. ثم بيدك ابدا خذ من الرغوه ووزعها على المنطقه المانحه ولمنطقه المزروعه " الدقن " وخلها تقريبا دقيقتين ثم جب كاس وعبه مويه ثم ابدا برش المويه على راسك والمنطقه المزروعه " الدقن " بس بطريقه هاديه جدا

افتح الشور واسبح عادي الان بس بدون ما تلامس المويه شعرك او دقنك .. وانتبه من ان المويه يكون دفعها قوي ويجي على منطقة الدقن المنطقه المزروعه احرص طبعا يفضل ان المويه تكون فاتره

هذي الطريقه تستمر عليها ٧ ايام اول اسبوع

الحين ثاني اسبوع


نفس طريقة الاسبوع الاول .. لكن الفرق انك بالاسبوع الاول كان اللشون تحطه على المنطقه المانحه فقط
الحين بالاسبوع الثاني تحطه بالمنطقه المانحه والمنطقه المزروعه " الدقن " لكن شوي شوي بصوره هاديه حط اللوشن على المنطقه المزروعه " الدقن " عشان البصيلات ماتتحرك ، طبعا نفس المده ساعه الى ساعتين ثم خذ شور


بعد مرور الاسبوعين هذي ..



١- تقدر تستغني عن الغضاره وتبدا تستخدم الرشاش بس بدون دفع قوي خفيف يكون
٢- تبدا تسوي مساج للمنطقه المانحه و المنطقه المزروعه " الدقن "
٣- تقدر تستغني عن الشمبو الطبي وتبدا تستخدم اي شمبو ويفضل شمبو الاطفال لا دموع بعد اليوم
٤- تقدر تنشف راسك والدقن بالمنشفه لكن باللمس فقط يعني بدون ضغط او تحريك

بعد ما يمر شهر .. ترجع للحياة الطبيعيه لك من ناحية السباحه وطريقة التنشيف .. لكن يفضل انك ما تفرك المنطقه المزرعه بالفوطه مدة شهرين يعني بس باللمس


البخاخ : بعد ما يمر ١٥ يوم من العمليه تبدا تستخدم البخاخ واذا كان الاحمرار موجود يفضل انك تصبر لين يروح الاحمرار ثم تستخدم البخاخ لان البخاخ يزيد من الاحمرار شوي

طريقة استخدام البخاخ الرغوه .. اشتر قفازات طبيه .. و بأطراف الاصابع خذ من الزغوه وابدا امسح فيها الدقن بهدووء ميزة البخاخ الرغوه انه يمتصه الجلد بصوره سريعه جدا يعني اقل من ثانيه

تترك الرغوه على الدقن فتره ساعتين ثم تقدر تغسل الوجه .. تحذير طبعا ما تستخدم البخاخ اذا في بوجهك مويه ! لازم تكون ناشفه المنطقه

البخاخ تستمر عليه ٦ اشهر .. مره او مرتين باليوم ويكون الفتره بين الاولى والثانيه ١٢ ساعه على الاقل





نجي الحين للقشور وتساقط الشعر والاحمرار



طبعا من اليوم الخامس من يوم العمليه الى اليوم العشرين .. راح يتساقط الشعر المزروع مع قشور
لا تخاف اذا شفت الشعر يطيح مع القشور غالبا يكون الشعر المتساقط تكون شعرتين متلاصقه مع بعض بالقشور او شعره مع قشره ، راح يتساقط الشعر المزروع كامل بعد شهرين وتصير كأنك ما زرعة شي !

وهذي صوره توضيحيه


-_online.gif


يبدا الشعر الجديد بالنموو ويكون خشن شوي بعد ٦ الى ١٠ شهور راح يتغير الشعر وتشوف نتايج جدا ممتازه مع كثاقه اعلى ان شاءالله و نعومه الشعر المزروع يرجع زي ما كان قبل الاقتطاف



البصيله طاحت !!؟



الحين بوريكم شكل البصيله كيف يكون .. واذا شفت شعر طاح بنفس شكلها تكون البصيله .. البصيله يكون اخر طرفها دائما زي الكوره الصغيره جدا ما تكون زي الشعر المقصوص بالمقص !

اذا شفت هذي الشعره يعني البصيله طاحت .. حافظ على التعليمات من ١٥ يوم الى شهر وان شاءالله ما تشوف البصيله طايحه .. لان بعد ١٥ يوم تكون البصيله تقريبا ثبتت ومستحيل تطيح .. واذا طاحت بتلاحظ دم طلع معها !

وهذي صوره للبصيله


_online.gif



الاحمرار في المنطقه المزروعه " الدقن "

الاحمرار راح يخف تدريجيا ان شاءالله يعني من شهر الى شهرين تقريبا ف لاتخاف وراح ترجع البشره نفس ماكانت بأذن الله



التعليمات بعد عملية زراعة اللحيه والشارب " الدقن "


١- تجنب الاحتكاك بين الدقن والملابس خصوصا بداية الايام وانت تلبس وتفصخ التيشيرت !
عشان كذا ( لازم ) يكون عندك قميص ينفتح بالازرار عشان ما يلامس المنطقه المزروعه
حتى بيوم العمليه لازم تكون لابس القميص هذا ما تجي بتيشيرت !
وقت النوم جب فوطه ولفها وتوسد عليها برقبتك وحطها بينك وبين المخده
النوم على الظهر اول ١٠ الى ٢٠ يوم

٢- اول ١٠ ايام تقريبا ممنوع تاكل اللحم او الدجاج او اي شي قاسي .. السوائل فقط يعني شوربه او شي خفيف مثل بيض مقلي بدون الخبز طبعا يعني اي شي ما يكون قاسي او راح تظطر انك تحرك دقنك واجد ولا سمح الله ممكن تطيحح البصيله او تتحرك من مكانها

٣- اي شي سبايسي حار ممنوع منه خلال هذي الفتره من يوم العمليه ل بعد ٢٠ يوم تقريبا

٤- كثر من شرب المويه ،تجنب الاملاح

٥- حاول تخلي راسك مرفوع دايم لا تنزله خصوصا وانت تستخدم الجوال عشان ما ينزل البنج للوجه



هذي تعليمات مطبوعه من الكمبيوتر .. اسهل وتقدر تحفظها بجوالك



تعليمات بعد العمليه مباشره


___copy.jpg



تعليمات بعد مرور ٣ ايام من العمليه


_____copy.jpg



وهذا كان كل ماعندي واتمنى انك استفدت



بالاخير نفس التنبيه الاول : اتبع تعليمات طبيبك هو ادرى بحالتك انا هنا كتبت تجربه وكل دكتور يختلف عن الدكتور الاخير بالطريقه والتنبيهات .. واذا حسيت في شي غلط جالس يصير لك ، تواصل مع دكتورك عن طريق المنسق وعلمه وهو راح يعطيك النصايح .. في الحالات الطارئه يفضل انك تروح لاقرب مركز في مدينتك مختص بالزراعه والتجميل

واتمنى منكم الدعاء لي ولوالدي

والسلام خير ختام
المشعلاني

 
التعديل الأخير بواسطة المشرف:

وداد

مدير عام
إنضم
15 أكتوبر 2012
المشاركات
4,216
مستوى التفاعل
4
النقاط
38
أخوي المشعلاني

اولا وقبل كل شيء أشكرك كثيرا على هذا التقرير الرائع في اعداده والذي يعتبر اضافة مهمة لتجارب المنتدى

من حيث معلوماته وجميع تفاصيله

وأتمنى من كل الراغبين في زراعة الذقن او الشعر ان يطلعوا على هذه التجربة الرائعة والاستفادة منها

لانها حقا تحتوي على معلومات علمية هامة عن زراعة الشعر

بالاضافة الى أهم المراحل والاسس الخاصة بالزراعة

فعلا هذا ما كنا نحتاجه وخاصة في زراعة الذقن لقلة المعلومات عنها

ونضيف انه لابد من الرجوع الى قراءة أحكام زراعة الشعر والتأكد من ان الشخص مستوفي الشروط والاحكام

مبروك الزراعة وأتمنى لك نتائج مبهرة ان شاء الله

ونرجو الاستمرار في التواصل مع الاعضاء في هذا الموضوع للرد على اي استفسار

تم تقييم الموضوع

تحياتي ،،
 

alsemiri007

المشرف العام
إنضم
19 يناير 2012
المشاركات
1,653
مستوى التفاعل
0
النقاط
36
ما شاء الله تبارك الله تقرير جدا رائع
اتمنى ان الجميع يستفيد منه ان شاء الله
 
إنضم
17 أكتوبر 2013
المشاركات
150
مستوى التفاعل
0
النقاط
16
اول شي مشكوره يا وداد على هذا الاطراء
وان شاءالله يستفيدون منه اكبر عدد ممكن



واي استفسار من الاخوه انا حاظر


وهذي تجارب بعض الاعضاء في زراعة الدقن

تجربة
عبدالعزيز العزيز


https://www.hairarab.com/vb/showthread.php?t=10515#.VUZt82SeDGc

تجربة
m7pq


https://www.hairarab.com/vb/showthread.php?t=10515#.VUZt82SeDGc

تجربة
SOLO INTER


https://www.hairarab.com/vb/showthread.php?t=12358#.VUZtzWSeDGc


والله يوفق الجميع ويشوفون افضل النتايج
المشعلاني
 

amdsn

New Member
إنضم
25 أبريل 2015
المشاركات
25
مستوى التفاعل
0
النقاط
1
موضوع رائع

شكرا لك
 

SOLO INTER

Member
إنضم
19 يناير 2015
المشاركات
60
مستوى التفاعل
0
النقاط
6
ماشاء الله تبارك الرحمن عليك اخوي المشعلاني كفيت و وفيت اتوقع هالموضوع لازم يكون مثبت فوق لانه يجاوب على كل استفسارات الاخوان اللي ناوين يزرعون او زرعوا ويبون تعليمات اكثر
طرح كافي و وافي جزاك الله خير عليه ولا عدمناك ..

الله ييسرها ان شاء الله ونشوف نتائج طيبه محتاجين دعواتكم
 

mossa433

New Member
إنضم
10 مارس 2015
المشاركات
20
مستوى التفاعل
0
النقاط
1
احسنت المشعلاني

وانا عملت زراعة للسكوسكة
وبعض التعليمات التي كتبتها ما قالي لها
مثالا
أكل الدجاج قال عادي واللحم والحار بعد ثلاث ايام
وتحريك الذقن عادي لكن بشويش وبعد ثلاث ايام حركه عادي لان البويصلات على كلامه تثبتت

بس عند سؤال
انا لي 15 يوم من زراعته والتساقط مستمر لكن بوتيرة بطيئة

وبالنسبة لحلق قالي ممنوع لمدة شهر
وفي مراكز اخرى تقول بعد عشر ايام تحلق

وهناك سؤالين
هل في أدوية تقوي الشعر المزروع والشعر القديم الذقن والشارب ؟
وهل خقن البلازما لها اثر على زراعة الذقن ؟
 
إنضم
17 أكتوبر 2013
المشاركات
150
مستوى التفاعل
0
النقاط
16
ماشاء الله تبارك الرحمن عليك اخوي المشعلاني كفيت و وفيت اتوقع هالموضوع لازم يكون مثبت فوق لانه يجاوب على كل استفسارات الاخوان اللي ناوين يزرعون او زرعوا ويبون تعليمات اكثر
طرح كافي و وافي جزاك الله خير عليه ولا عدمناك ..

الله ييسرها ان شاء الله ونشوف نتائج طيبه محتاجين دعواتكم


مشكور ويعطيك العافيه على التعليق
وان شاءالله تكون نتايج عمليتك مرضيه لك




احسنت المشعلاني

وانا عملت زراعة للسكوسكة
وبعض التعليمات التي كتبتها ما قالي لها
مثالا
أكل الدجاج قال عادي واللحم والحار بعد ثلاث ايام
وتحريك الذقن عادي لكن بشويش وبعد ثلاث ايام حركه عادي لان البويصلات على كلامه تثبتت

بس عند سؤال
انا لي 15 يوم من زراعته والتساقط مستمر لكن بوتيرة بطيئة

وبالنسبة لحلق قالي ممنوع لمدة شهر
وفي مراكز اخرى تقول بعد عشر ايام تحلق

وهناك سؤالين
هل في أدوية تقوي الشعر المزروع والشعر القديم الذقن والشارب ؟
وهل خقن البلازما لها اثر على زراعة الذقن ؟


مشكور على التعليق بدايه

وبالنسبه للتعليمات انا كتبت انها تجربه لي وكل دكتور تقريبا له طريقته
لكن منطقيا اذا بتقيسها على تعليمات عملية زراعة الشعر بتشوف ان الكلام صحيح ان غلط انك تاكل شي قاسي لان راح يجبرك تحرك دقنك بصوره اكبر وممكن يأثر على مكان البصيله او طيحتها خصوصا بالايام الاولى

هو قالك بعد ٣ ايام ممكن هو يتكلم على طريقته هو وخبرته .. لكن زيادة حرص منك انت لان هذي بصيلتك وزراعتك انت ف الحرص واجب ، البصيله اتوقع صعب نجزم انها تثبت خلال ٣ ايام ! لانها تعتمد من شخص لشخص ! وللحرص واضب على الاكل الخفيف ١٠ ايام الى ١٥ يوم .. الدقن يختلف عن الرأس من ناحية العنايه بالبصيله اول الايام .. وتجنب بعد الكلام الكثير


بالنسبه للسؤالين

الاول : انا نفسك ما تساقط الشعر بصوره سريعه وبعض التجارب تساقط بصوره اسرع ، تفرق من شخص لشخص لكن مافي خوف ان شاءالله .. من يوم العمليه ل شهر ونص تقريبا الى شهرين راح يتساقط وزي ماقلت تعتمد من شخص لشخص

وحلق الشعر ، يفضل انك تحلق عن طريق المكينه او المقص ، طبعا الموس ممنوع اول ٦ اشهر
المنطقه المانحه تحلقها مكينه بعد شهر تقدر ، المنطقه المزروعه خلها على الاقل شهر ونص الما يطيح الشعر تقريبا او يطيح اغلبه لا تستعجل عليه


السؤال الثاني : الادويه هي البخاخ ، ولا تحاول تستخدم ادويه ثانيه لان البخاخ يكفي .. وفي انواع كثيره من نفس الشركه للبخاخ هذا ، الي نستخدمه بعد الزراعه اسمه ( ري قرووث ) اعادة انبات الشعر
وبعض الدكاتره ما يحرص انك تستخدمه ، اتبع تعليمات دكتورك
والشعر المزروع من بعد الشهر السادس راح تلاحظ انه بدا ينعم ويصير نفس الشعر الطبيعي

حقن البلازما ، الي اعرفه ان بعض المراكز يقدمون لك حقن البلازما شامله سعر الزراعه يعني مجانا
وحقن البلازما تفيد اذا كانت ٤ جلسات على حسب علمي ، لكن مافيها مشكله اذا قلت لهم يعطونك حقن البلازما بالمنطقه المزروعه بوقت العمليه او بعدها ، اذا كان عندك تساقط بالرأس الحق عليه ، لان انت استخدمت كميه بصيلات من المنطقه المانحه للدقن، ف اذا تساقط شعر رأسك ممكن يكون عندك الفين الى ثلاث الاف بصيله فقط من المنطقه المانحه تقريبا تقدر تسوي فيها زراعة رأس بعدين



ومره ثانيه مشكورين على التعليقات
والله يوفق الجميع ان شاءالله

المشعلاني
 
إنضم
17 أكتوبر 2013
المشاركات
150
مستوى التفاعل
0
النقاط
16
تنبيه ومشكوره وداد عليه


راجع احكام زراعة الشعر وتأكد انك مستوفي الشروط والاحكام من الناحيه الشرعيه



المشعلاني
 

SOLO INTER

Member
إنضم
19 يناير 2015
المشاركات
60
مستوى التفاعل
0
النقاط
6
اخوي المشعلاني اتمنى اقدر اتواصل معك للضرورة
 
إنضم
17 أكتوبر 2013
المشاركات
150
مستوى التفاعل
0
النقاط
16
اخوي المشعلاني اتمنى اقدر اتواصل معك للضرورة


مرحبا ، نفس مشكلتك انا ابي اتواصل مع ناس كثير
لكن المشكله انه ممنوع ، ولا اقدر اعدل على المشاركه اذا كتبت رقمي ! والرسايل متقفله !

لكن اذا الموضوع سؤال ، اسأل هنا مهما كان السؤال لو تشرح شرح عادي ، بجاوبك على قدر معرفتي للجواب

المشعلاني
 

SOLO INTER

Member
إنضم
19 يناير 2015
المشاركات
60
مستوى التفاعل
0
النقاط
6
الحين راح على عمليتي تقريبا 9 ايام .. صراحه وجهي ميبس وانا اساسا من قبل ما اسوي عملية احب احبرش في شعري .. طبعا حاليا جالس اطيح قشور من الذقن وفيها شعر وبعض الاحيان قشور مع شعرتين بعض الاحيان بدون شعر بس قشر هل هو طبيعي ؟ واوصل تقشيره ولا اخليه من نفسه !!

الكريم والشامبو لي يومين استخخدمه اواصل عليه لين متى و متى يرجع شكلي طبيعي ما كأني زرعت
 
إنضم
17 أكتوبر 2013
المشاركات
150
مستوى التفاعل
0
النقاط
16
meshallani87

الحين راح على عمليتي تقريبا 9 ايام .. صراحه وجهي ميبس وانا اساسا من قبل ما اسوي عملية احب احبرش في شعري .. طبعا حاليا جالس اطيح قشور من الذقن وفيها شعر وبعض الاحيان قشور مع شعرتين بعض الاحيان بدون شعر بس قشر هل هو طبيعي ؟ واوصل تقشيره ولا اخليه من نفسه !!

الكريم والشامبو لي يومين استخخدمه اواصل عليه لين متى و متى يرجع شكلي طبيعي ما كأني زرعت


اولا ، تقول العمليه مر عليها 9 ايام ! ولك يومين تستخدم الشامبو و اللوشن ؟ الشمبو واللوشن من اليوم الثالث تبدا فيه !

انا كتبت بالموضوع الطريقه بالتفصيل .. ارجع للموضوع واقرى ب نقطه ( وقت الغسيل ) اذا مافهمت من الشرح اقراها مره ومرتين وثلاث لين تستوعبها صح ، لان صادق اذا قريت عكس ما تسمع .. بالسمع يمكن تستوعب اسرع ، لكن اقرا نقطه ( وقت الغسيل مره ومرتين وان شاءالله تفهمها صح )

هذا اليوزرنيم بالسكايب اضفني فيه

[blink]يمنع وضع الارقام او وسائل الاتصال الشخصية
الادارة[/blink]



المشعلاني
 
إنضم
17 أكتوبر 2013
المشاركات
150
مستوى التفاعل
0
النقاط
16
الحين راح على عمليتي تقريبا 9 ايام .. صراحه وجهي ميبس وانا اساسا من قبل ما اسوي عملية احب احبرش في شعري .. طبعا حاليا جالس اطيح قشور من الذقن وفيها شعر وبعض الاحيان قشور مع شعرتين بعض الاحيان بدون شعر بس قشر هل هو طبيعي ؟ واوصل تقشيره ولا اخليه من نفسه !!

الكريم والشامبو لي يومين استخخدمه اواصل عليه لين متى و متى يرجع شكلي طبيعي ما كأني زرعت


بالنسبه للقشور ! خلها هي من نفسها تطيح لا تحركها بيدك ابداا .. ولا تلمس المنطقه المزروعه بيدك بالحك
لا تستعجل على طيح القشور .. راح تبدا تطيح تدريجي من اليوم ال ١٥ لليوم ال ٢٠ ان شاءالله
غلط انك تشيل القشور بيدك ! لازم تصبر ، متفهم وضعك لكن الصبر الصبر



بالنسبه متى يرجع شكلك طبيعي ! بعد شهر تقريبا الى شهر ونص .. يعني متى ما راح الاحمرار بعد ما تطيح القشور راح يبين احمرار المنطقه عندك ، اذا راح الاحمرار وطاحت القشور .. الشكل راح يطلع طبيعي ٧٠٪

بعد ما يروح الاحمرار وتحلق الدقن بالمكينه بعد شهر ونص تقريبا .. راح يكون الشكل طبيعي مره يعني محد بيدري انك مسوي عمليه او بيلاحظ .. وبالاخير التساقط والاحمرار تعتمد زوالها من شخص لشخص .. لكن هذي اعلى مدده من التجارب السابقه

انا تقريبا يوم وصلت ٢٥ يوم .. صار الشكل طبيعي والحمدلله والاحمرار خف تقريبا يعني الشكل صار عادي، عكس اول كل شوي واحد موقفني ويسأل وش مسوي :d .. اهم شي اتبع التعليمات عشان تشوف النتايج

وفي شباب قبل اليوم ال ٢٠ اختفت منهم القشور وخف الاحمرار كثير ماشاءالله .. ري ماقلت تعتمد على بشرة الواحد يعني تختلف من شخص لشخص

اهم شي اتبع التعليمات خصوصا اول شهر اذا تبي القشور تطيح وتشوف نتياج حلوه !


المشعلاني
 

mossa433

New Member
إنضم
10 مارس 2015
المشاركات
20
مستوى التفاعل
0
النقاط
1
المشعلاني
ما جاوبت على تساؤلي

هل حقن البلازما يستفيد منها الذقن وكيف طريقة الحقن ؟
 
إنضم
17 أكتوبر 2013
المشاركات
150
مستوى التفاعل
0
النقاط
16
المشعلاني
ما جاوبت على تساؤلي ��

هل حقن البلازما يستفيد منها الذقن وكيف طريقة الحقن ؟



مرحبا

جاوبت على السؤال فوق .. لكن يمكن ما وصلك جواب تسائلك

بجوابك الحين


حقن البلازما من خلال التقارير الطبيه انه مفيد اكيد
وتقدر تطلبه من العياده .. وبعض المراكز يقدمونه شامل سعر العمليه " مجانا " بس لازم تقول لهم وتحرص تذكرهم

الحقن هذي تفيد الشعر وتقويه تقريبا وبعض الشعر الي ضعيف منبته يقويه .. على حسب التقارير عن حقن البلازما حتى بعض الشعر الي ما يطلع ممكن ينبت من جديد الي ما ماتت البصيله فيه

الطريقه انهم ياخذون من دمك كميه بسيطه، ويحطونه داخل جهاز والجهاز هذا يفصل دمك لطبقتين
ثم يحطونه داخل ابره ويحقنونه في المناطق الي انت تبيها بالشعر ، وظيفة الحقن بصوره مبسطه " تحسين نمو الشعر "


المعروف ان نتائج الحقن هذي ما تظهر من جلسه وحده ! تحتاج ٤ جلسات تقريبا
تقدر توزع الحقنه هذي بالمناطق الي انت تبيها يعني تخليهم يحقنونك بشعر الرأس والدقن

حقن البلازما امنه جدا الحمدلله ومافيها اي اعراض جانبيه حتى الان تذكر لانها تأخذ من دمك انت شخصيا


انا انصحك انك تطلب من نفس العياده الي بتسوي فيها الزراعه عشان يكون شامل السعر " مجانا "
لان اذا بتطلب الحقن الحالها السعر راح يكون " غالي "


اذا ماعندك مشكله بالماده ، يفضل ٤ جلسات على الاقل عشان تبين النتائج ويقوى الشعر


السعر بالخليج مبالغ جداا جدااا .. الا بعض العيادات الي يكون سعرها معقول لكن الغالب مبالغين فيه


واي استفسار انا حاظر

المشعلاني
 
إنضم
17 أكتوبر 2013
المشاركات
150
مستوى التفاعل
0
النقاط
16
المشعلاني
ما جاوبت على تساؤلي ��

هل حقن البلازما يستفيد منها الذقن وكيف طريقة الحقن ؟

عفوا الجواب الاول عن الحقن
بالصفحه الاولى

المشعلاني
 

mossa433

New Member
إنضم
10 مارس 2015
المشاركات
20
مستوى التفاعل
0
النقاط
1
لو سمحت المشعلاني

هل استعمل صابونة للوجه بعد الزراعة وللعلم لي 24 يوم بعد الزراعة والشعر المزروع سقط أكثره

يقول بعض الأشخاص ان الشعر المزروع الذقن يختلف عن الشعر الطبيعي ؟
فهل هذا صحيح

والله يسهل لي ولك الامر
 
إنضم
17 أكتوبر 2013
المشاركات
150
مستوى التفاعل
0
النقاط
16
لو سمحت المشعلاني

هل استعمل صابونة للوجه بعد الزراعة وللعلم لي 24 يوم بعد الزراعة والشعر المزروع سقط أكثره

يقول بعض الأشخاص ان الشعر المزروع الذقن يختلف عن الشعر الطبيعي ؟
فهل هذا صحيح

والله يسهل لي ولك الامر


مرحبا

اتوقع تقدر مانب متأكد صراحه .. حط الصابون الى حدود الزراعه يعني لا تحط الصابون فوق الشعر المزروع

كويس ماشاءالله اذا تساقط الشعر راح يبين عندك الاحمرار .. يروح ان شاءالله من شهر الى شهرين وممكن اكثر ، اذا طول معك رح لدكتور تجميلي او صيدلاني فاهم واسأل عن كريم يخفف الاحمرار ، لكن اسأل اول اذا في اثر راح يكون على الزراعه اذا استخدمته او لا .. للاحتياط فقط

شعر الذقن .. يكون خشن طبيعتا وتكثيفه غير طريقة كثافة شعر الرأس .. شعر الرأس يكون انعم بالعاده من شعر الدقن

لكن على حسب شعرك انت ، الي شعره ناعم جدا اتوقع غلط يسويها ( اسأل اول ) اما الي شعره خشن او عادي اتوقع راح تنجح معه ان شاءالله

المشعلاني
 
أعلى