السلام عليكم
كل عام وانتم بخير ورمضان كريم
واشكر كل من اثنى على الموضوع والشكر موصول للجميع
بالبدايه راح اكتب هذا التنبيه او التعليق بسبب ان صارت بيني وبين واحد من الي سوو الزراعه
محادثه وكان يشتكي فيها من الزراعه ، وانه مب راضي على النتيجه !
انا هنا احاول اخدم بالي اعرفه واحاول اني اطرح اجوبة استفسارات كانت في بالي قبل الزراعه
طبعا
الرجال مسوي العمليه من
فتره 5 الى 6 شهور تقريبا حاليا
فا
شاف الموضوع وكلمني وعلمني بالي صار له
وانا من واجبي اني اعطيكم التنبيهات اول بأول عشان ما يصير لكم نفس الخطأ
مشكلة الرجال ان بعد ما بدا الشعر ينبت عنده ! صار الشعر خشن وزي الدبابيس يعني النتيجه غير مرضيه
يعني من بعد ما طلع له الشعر والى الان وهو يتعامل مع الموس ما يترك لحيته او شنبه لان الشكل غير مرضي
طيب وش الاسباب ؟!
لو تقروون
التنبيهات بعد العمليه راح تعرفون
السبب ، وراح اشرحه لكم هنا من جديد للي ناوي او حديث التجربه
الحين اذا مشيت كف يدك من تحت الدقن الى فوق ! راح تحس انه خشن وفيه زي الدبابيس وهذا الطبيعي لاي انسان !
لكن وين المشكله ! اذا مشيت يدك من فوق الدقن الى تحت وحسيت بالدبابيس ! هنا المشكله وهنا الشي الي مب طبيعي !
تدرون ليه ؟ هذا الشي الي اقوله لكم ( البصيله تحركت من مكانها ) والتئمت الفتحه والشعره عكس اتجاهها الصحيح
لأن وانت في وقت العمليه ليه يدخلون
شعره شعره وبصوره هادئه ؟ عشان يركزون ان الشعر راح ينبت بالطريقه الصحيحه او الطبيعيه ف يثبتون البصيله بالشكل الصحيح لها
بالتنبيهات كتبت : لا تاكل اي
لحوم او شي
قاسي اول 10 الى 15 يوم ، يعني خل اعتمادك على السوائل شوربه او بيض مقلي، عشان ماتجبر نفسك انك تحرك دقنك كثير ! اذا حركته ممكن تتحرك البصيله ويصير لك نفس ما صار للرجال
يعني حتى
الشنب صار دبابيس ، ف اكيد النتيجه هذي غير مرضيه لاي شخص ، في ناس ممكن تقول مشوار 10 او 15 يوم ! طيب معلومه بس ترا الزراعه في ( وجهك ) يعني ما يتخبئ الخطأ ! ف الصبر حلو
التنبيه الثاني
للشباب الي ما يطلع لهم شعر تحت عظمة الفك ! يعني الي مرا مييح الوجه مافيه ولا شعره
في امر
لازم تنتبهون له ، ان الزراعه راح تكون الى نهاية عظمة الفك !
يعني ما يقدرون يزروعون تحتها !!
هذي صوره توضيحيه وراح اشرح بعدها
طيب ليه تقول لنا هذا الكلام ؟
عشان اذا رحتو الا يكون عندكم
خبر ! بعض الناس الي ما يطلع لهم شعر في المنطقه تحت الفك يمكن ما تكون النتايج مرضيه لهم 100٪ ما اتكلم عن نجاح الزراعه لا اتكلم عن رضاهم النفسي فقط
ممكن في ناس ماعنده مشكله بالموضوع هذا ف عادي يعني كل شخص ومايحب
انا انبه فقط ، واحاول اني اعلمك كل شي يخص الزراعه عشان يكون عندك خبر في كل شي ما تنصدم او تقول انا كنت اعتقد كذا وكذا
في ناس يقولون طيب
وش الراي ! انا بوجهة نظري للاشخاص الي ماعندهم شعر تحت الفك ، انهم يخلون الزراعه
شنب وسكسوكه و زلف ، افضل شكلا من ان الشعر يكون له حدود
الاشخاص الي ناويين يربوون
لحيه طويله ماراح يأثر الشكل لان الشعر راح يغطي المنطقه الفاضيه ، لكن الي ناوي يحلق مكينه 1 و 2 وهيك لا ممكن الشكل يختلف عنده
على العمووم كل شخصص ووجهة نظره بالموضوع وكل شي يشوف الي يناسبه هو مب الي يناسبني انا او اي شخص ثاني ،، سو الي انت تبيه ، وبتعيش مره وحده
تنبيه اخير
اقرا شروط واحكام الزراعه الشرعيه
اتمنى ان التعليق هذا او التنبيه افاد اشخاص والاستخااااره لا تنسوونها
والله يوفقك الجمييع وتشوفون افضل النتايج الي تتمنونها
المشعلاني
