رودانا
New Member
- إنضم
- 11 أغسطس 2014
- المشاركات
- 2
- مستوى التفاعل
- 0
- النقاط
- 1
السلام عليكم ورحمة الله
مساء الخير وجمعة مباركة ع الجميع
لا أجيد المقدمات فعلا لكن الله يعينكم ع الإسهاب لأني إذا استرسلت مايردني إلا أمر الله
حابّة أشكر الأعضاء هنا فردًا فردًا بعد شكر الله .. أفدتوني من حيث لاتعلمون
بداية مشكلتي كانت لما تدهور نظام غذائي بالإضافة إلى إني صرت أنا اللي أعتني في شعري بدال " أمي " .. فعلا كانت يد أمي بركة
كان طويل جدًا وكثافته معقولة ومتناسقة
لما صار عمري 15 سنة صرت ألعب في شعري وأهملت صحته وصحتي
بديت ألاحظ إن مقدمة رأسي " الغرّة " صايرة خفيفة
ومن سنة لسنة تزيد الرقعة والفراغات
الآن عمري 25 سنة والخلل واضح جدًا
جربت كل شي تقريبًا .. بدون مبالغة كل العلاجات جربتها عشان أسترجع مقدمة شعري مافي فايدة
صرت أبحث وأبحث وأبحث لين استقريت في منتداكم وقررت أزرع عند الدكتور بسام جباعي بالإضافة إلى إني كنت أسمع عنه من زمان
أخذت موعد إستشارة .. قابلت الدكتور وطلب مجموعة تحاليل وتبيّن أن فيتامين دال مدحدر عندي جدًا إضافة إلى ان الدكتور يعتقد إن الصلع اللي عندي وراثي " ذكوري "..
قرّر لي زراعة 1700 جرافت بطريقة الشريحة وبدون مايحلق المنطقة المستفيدة طبعًا
توكلت على الله وحجزت موعد للعملية وكان قبل شهر تقريبًا
وصلت الساعة 9 .. بدّلت ودخلت غرفة العملية ..
دردش معي الدكتور شوي واستغرب إني داخلة بنفسية حلوة وأعصاب باردة
وقلت له إني " أمون " على غرف العمليات وإبر البنج وريحة المعقمات لأن لي باع طويل مع عمليات صعبة أجريتها قبل ثلاث سنين
المهم .. أعطاني إبرتين في العضل .. وحلق لي المنطقة المانحة وبعدها انسدحت على وجهي وبدا بضرب أبر البنج
للأمانه من بداية العملية إلى نهايتها ماااااحسيت بأي ألم إلا بوخز الأبر العادي جدًا
بعدها بدا يقصصصص الشريحة .. كان يحاول يشتتني ويسولف كثير لكني نبّهته إذا بدا يقص يعلمني لأني أبي أكون عايشة اللحظة ..
طبعًا مايحتاج ينبهني لأن صوت القص كفيل بتنبيهي
بعدها خيّط المنطقة وطلب مني أجلس عادي وقال للممرضات جيبوا لها كوفي
هنا قبل نبدا الزرع .. وحبّتين ع الطاير
وهنا الربع يشتغلون ع الشريحة
شي ربع ساعة ورجعنا للشغل اللي عليه الكلام
بنّج لي المنطقة المستقبلة وبدأ بتفقيع أماكن البصيلات بنفس إتجاه الشعر الموجود وبعدها استلموا الممرضات الشغل بزرع البصيلات وكانت أكثر الأوقات مللاً
سويت كل شي .. تفرجت على فلم .. قريت كتاب .. سولفت مع الممرضات والوقت عيا يخلص وجع
أخذت بريك غدا وطلبت وجبة من برجر كنج .. الغباء اللي لاحظته مؤخّرًا إني كنت طالبة " دايت "
شغل ياحبيبي شغل
لما صارت الساعة 5 شطبوا تقريبًا وكانت جبهتي فيها صعرور صغير رجع الدكتور وعطاني تعليمات بخصوص الغسيل وبعض العلاجات
ورجعت البيت ياجماعة والله كانت أحححلى نومة بدون مبالغة .. مافي ألم ابد وفيني خدرة ابرة المسكن اللي اعطانياه
اللهم إحساس بإن أسفل راسك مشدود بس عادي من ثاني يوم تتعايش معه
طبعًا نبّهني إني ماأحني راسي وطنّشت لين تورّمت جبهتي وعيوني لكن كلها اربع ايام ويختفي
داومت رابع يوم من العملية ومافي أحد لاحظ شي أبدًا
بعد اسبوعين رجعت له عشان الخياطة .. فكّها وقال حاولي تشدين في الغسيل شوي عشان يطيح الشعر بسرعة وتصيرين تستخدمين البخاخ
الآن لي شهر .. ثلاث أرباع الشعر طاح وصار لي اسبوع استخدم البخاخ صباح وليل
إن شاءالله أشوف النتايج اللي أطمح لها والله يرزقنا الصبر
عدد البصيلات : 1700 جرافت
سعر العملية : قبل التخفيض 17456 ريال
خفضوا لي ألف فقط !
مدة العملية : 8 ساعات مع بريكين ابو ربع ثلث ساعة
بعض الملاحظات :
1/ الطبيب نفسيته حلوه ومتقبل لكل حالاتك ..
ضغطت عليه كثير بالأسئلة وكان يقول لي " إنتِ داخلة علي بقوة!" لكن كان متفهّم وإجاباته شافية
2/الممرضات متعاونات .. ثلاث فوق راسي وثنتين جالسين يتابعون الفلم معي
3/ درجة التعقيم عندهم ممتازة جدًا
4/ اللزقات اللي حطها الدكتور على شعري كانت كفيلة بعمل فراغات صلع براسي .. إنزعجت صراحة من طريقة نزع اللزقات
حسيت حق وواجب يسوون لي عملية مجانية للشعر اللي طلع مع اللزقة
عمومًا كانت تجربة ممتعة بجد وعقبال العايزين
أنا في خدمتكم زي ماكنتوا في خدمتي من حيث لاتعلمون
مساء الخير وجمعة مباركة ع الجميع
لا أجيد المقدمات فعلا لكن الله يعينكم ع الإسهاب لأني إذا استرسلت مايردني إلا أمر الله
حابّة أشكر الأعضاء هنا فردًا فردًا بعد شكر الله .. أفدتوني من حيث لاتعلمون
بداية مشكلتي كانت لما تدهور نظام غذائي بالإضافة إلى إني صرت أنا اللي أعتني في شعري بدال " أمي " .. فعلا كانت يد أمي بركة
كان طويل جدًا وكثافته معقولة ومتناسقة
لما صار عمري 15 سنة صرت ألعب في شعري وأهملت صحته وصحتي
بديت ألاحظ إن مقدمة رأسي " الغرّة " صايرة خفيفة
ومن سنة لسنة تزيد الرقعة والفراغات
الآن عمري 25 سنة والخلل واضح جدًا
جربت كل شي تقريبًا .. بدون مبالغة كل العلاجات جربتها عشان أسترجع مقدمة شعري مافي فايدة
صرت أبحث وأبحث وأبحث لين استقريت في منتداكم وقررت أزرع عند الدكتور بسام جباعي بالإضافة إلى إني كنت أسمع عنه من زمان
أخذت موعد إستشارة .. قابلت الدكتور وطلب مجموعة تحاليل وتبيّن أن فيتامين دال مدحدر عندي جدًا إضافة إلى ان الدكتور يعتقد إن الصلع اللي عندي وراثي " ذكوري "..
قرّر لي زراعة 1700 جرافت بطريقة الشريحة وبدون مايحلق المنطقة المستفيدة طبعًا
توكلت على الله وحجزت موعد للعملية وكان قبل شهر تقريبًا
وصلت الساعة 9 .. بدّلت ودخلت غرفة العملية ..
دردش معي الدكتور شوي واستغرب إني داخلة بنفسية حلوة وأعصاب باردة
وقلت له إني " أمون " على غرف العمليات وإبر البنج وريحة المعقمات لأن لي باع طويل مع عمليات صعبة أجريتها قبل ثلاث سنين
المهم .. أعطاني إبرتين في العضل .. وحلق لي المنطقة المانحة وبعدها انسدحت على وجهي وبدا بضرب أبر البنج
للأمانه من بداية العملية إلى نهايتها ماااااحسيت بأي ألم إلا بوخز الأبر العادي جدًا
بعدها بدا يقصصصص الشريحة .. كان يحاول يشتتني ويسولف كثير لكني نبّهته إذا بدا يقص يعلمني لأني أبي أكون عايشة اللحظة ..
طبعًا مايحتاج ينبهني لأن صوت القص كفيل بتنبيهي
بعدها خيّط المنطقة وطلب مني أجلس عادي وقال للممرضات جيبوا لها كوفي
هنا قبل نبدا الزرع .. وحبّتين ع الطاير
وهنا الربع يشتغلون ع الشريحة
شي ربع ساعة ورجعنا للشغل اللي عليه الكلام
بنّج لي المنطقة المستقبلة وبدأ بتفقيع أماكن البصيلات بنفس إتجاه الشعر الموجود وبعدها استلموا الممرضات الشغل بزرع البصيلات وكانت أكثر الأوقات مللاً
سويت كل شي .. تفرجت على فلم .. قريت كتاب .. سولفت مع الممرضات والوقت عيا يخلص وجع
أخذت بريك غدا وطلبت وجبة من برجر كنج .. الغباء اللي لاحظته مؤخّرًا إني كنت طالبة " دايت "
شغل ياحبيبي شغل
لما صارت الساعة 5 شطبوا تقريبًا وكانت جبهتي فيها صعرور صغير رجع الدكتور وعطاني تعليمات بخصوص الغسيل وبعض العلاجات
ورجعت البيت ياجماعة والله كانت أحححلى نومة بدون مبالغة .. مافي ألم ابد وفيني خدرة ابرة المسكن اللي اعطانياه
اللهم إحساس بإن أسفل راسك مشدود بس عادي من ثاني يوم تتعايش معه
طبعًا نبّهني إني ماأحني راسي وطنّشت لين تورّمت جبهتي وعيوني لكن كلها اربع ايام ويختفي
داومت رابع يوم من العملية ومافي أحد لاحظ شي أبدًا
بعد اسبوعين رجعت له عشان الخياطة .. فكّها وقال حاولي تشدين في الغسيل شوي عشان يطيح الشعر بسرعة وتصيرين تستخدمين البخاخ
الآن لي شهر .. ثلاث أرباع الشعر طاح وصار لي اسبوع استخدم البخاخ صباح وليل
إن شاءالله أشوف النتايج اللي أطمح لها والله يرزقنا الصبر
عدد البصيلات : 1700 جرافت
سعر العملية : قبل التخفيض 17456 ريال
خفضوا لي ألف فقط !
مدة العملية : 8 ساعات مع بريكين ابو ربع ثلث ساعة
بعض الملاحظات :
1/ الطبيب نفسيته حلوه ومتقبل لكل حالاتك ..
ضغطت عليه كثير بالأسئلة وكان يقول لي " إنتِ داخلة علي بقوة!" لكن كان متفهّم وإجاباته شافية
2/الممرضات متعاونات .. ثلاث فوق راسي وثنتين جالسين يتابعون الفلم معي
3/ درجة التعقيم عندهم ممتازة جدًا
4/ اللزقات اللي حطها الدكتور على شعري كانت كفيلة بعمل فراغات صلع براسي .. إنزعجت صراحة من طريقة نزع اللزقات
حسيت حق وواجب يسوون لي عملية مجانية للشعر اللي طلع مع اللزقة
عمومًا كانت تجربة ممتعة بجد وعقبال العايزين
أنا في خدمتكم زي ماكنتوا في خدمتي من حيث لاتعلمون